Tshenolo 15:2 - BIBELE

² Ka bona ho tshwanang le lewatle le kang kgalase, le kopaneng le mollo. Hodima lona ho ne ho eme ba hlotseng sebatana le setshwantsho sa sona le palo e emetseng lebitso la sona, ba tshwere diharepa tsa Modimo.

Sesotho 1909/1961 (SO)

² Ka bona ho kang lewatle la seipone le kopaneng le mollo; ba neng ba hlotse sebata, le setshwantsho sa sona, le letshwao la sona, le palo ya lebitso la sona, ba ne ba eme hodima lewatle la seipone, ba tshwere diharepa tsa Modimo.

Baasraak Sotho NT

² Ka bona ho kang lewatle la seipone le tswakilweng le mollo, mme ba hlotseng sebata, le setshwantsho sa sona, le letshwao la sona, le palo ya lebitso la sona, ba eme lewatleng la seipone. ba nang le diharepa tsa Modimo.

Contemporary Southern Sotho Bible 2024

² Ka bona ho kang lewatle la seipone le tswakilweng le mollo, mme ba hlotseng sebata, le setshwantsho sa sona, le letshwao la sona, le palo ya lebitso la sona, ba eme lewatleng la seipone ba nang le diharepa tsa Modimo.

Tshenolo 15:2 Referencias Cruzadas

Mattheu 3:11

“Ha e le nna, ke le kolobeletsa pako ka metsi. Athe ya tlang kamorao ho nna o mpheta ka matla, hoo ke sa tshwaneleng ho mo rola meqathatso; yena o tla le kolobetsa ka Moya o Halalelang le ka mollo.

1 Petrose 1:7

Kahoo tumelo ya lona e tla bonahala e le ya sebele, ya bohlokwahadi ho feta kgauta e senyehang, leha le yona e lekwa ka mollo. Tumelo eo e tla le fumantsha thoriso, tlotla le hlompho, mohla Jesu Kreste a bonahatswang,

1 Petrose 4:12

Baratuwa, le se ke la makala ha le le hara mollo wa teko, jwalokaha eka ke mohlolo.

Tshenolo 12:11

Bona ba mo hlotse ka madi a Konyana, le ka lentswe leo ba le pakileng, mme ba ba ba eshwa ba sa qenehele bophelo ba bona.

Tshenolo 13:1

Jwale ka bona ho nyoloha lewatleng sebatana se nang le dihlooho tse supileng, le dinaka tse leshome, le mefapahlooho e leshome dinakeng tsa sona; dihloohong tsa sona ho ngotswe mabitso a nyefolang.

Tshenolo 13:14

Sa kgelosa baahi ba lefatshe ka mehlolo eo se dumeletsweng ho e etsa pontsheng ya sebatana sa pele. Sa ba bolella hore ba etse setshwantsho sa sebatana se ileng sa ntshwa leqeba ka sabole le hoja se ile sa phela.

Tshenolo 13:17

Sa etsa hore ho se be le ya mong ya ka rekang, kapa ya ka rekisang, a se na letshwao la sebatana, kapa palo e emetseng lebitso la sona.

Tshenolo 21:18

Lerako le ne le hahilwe ka mahakwe a jasepere; motse wona e ne e le wa kgauta e hlwekileng, e jwaloka kgalase e hlwekileng.

Tshenolo 4:6

Kapele ho terone ho ne ho ka lewatle le kang kgalase, le benyang jwaloka lehakwe. Bohareng ba terone, le ho e potapota, ho ne ho ena le dibopuwa tse nne tse phelang. Di ne di ena le mahlo a mangatangata kapele le kamorao.

Tshenolo 5:8

Eitse ha e nka buka, dibopuwa tse nne tse phelang, le baholo ba mashome a mabedi a metso e mene, ba itihela fatshe kapele ho Konyana. E mong le e mong o ne a tshwere harepa le lefiswana la kgauta le tletseng mokubetso, oo e leng dithapelo tsa bahalaledi.