Tshenolo 12:1 - BIBELE

¹ Jwale lehodimong ha hlaha pontsho e kgolo: Mosadi ya apereng letsatsi, kgwedi e le katlasa maoto a hae, a bile a ena le mofapahlooho wa dinaledi tse leshome le metso e mmedi hloohong.

Sesotho 1909/1961 (SO)

¹ Yaba mohlolo o moholo wa hlaha lehodimong, e le wa mosadi ya apereng letsatsi, kgwedi e le tlasa maoto a hae, a rwetse hloohong mofapahlooho wa dinaledi tse leshome le metso e mmedi.

Baasraak Sotho NT

¹ Mme ha hlaha mohlolo o moholo lehodimong; mosadi ya apereng letsatsi, kgwedi e le katlasa maoto a hae, mme hloohong ya hae a rwetse moqhaka wa dinaledi tse leshome le metso e mmedi.

Contemporary Southern Sotho Bible 2024

¹ Mme ha hlaha mohlolo o moholo lehodimong; mosadi ya apereng letsatsi, kgwedi e le katlasa maoto a hae, mme hloohong ya hae a rwetse moqhaka wa dinaledi tse leshome le metso e mmedi.

Tshenolo 12:1 Referencias Cruzadas

2 Dikronike 32:31

Empa ha ho fihla maqosa a babusi ba Babilona, a neng a romilwe ho Hesekiya, ho tla batlisisa tsa mohlolo o ileng wa etsahala naheng ya hae, Modimo o ile a mo tlohela, a mmea tekong, hore a tle a tsebe sohle se ka pelong ya hae.

Dipesaleme 104:2

o ipopile ka lesedi jwalokaha eka ke kobo. O adile mahodimo jwaloka lesela la tente,

Dipesaleme 84:11

Letsatsi le le leng le hlolwang mabaleng a hao, le molemo ho feta a sekete a hlolwang hosele. Ke rata ho ba monyako wa ntlo ya Modimo wa ka, ho ena le ho phela metlotlwaneng ya ba kgopo.

Sefela sa Salomone 6:10

Ke mang eo ya hlahang eka mafube, ya leredi jwaloka kgwedi, ya kganyang seka letsatsi, ya bohehang sa mabotho a tshwere mekgele?

Isaia 61:10

Ke tla thabela Morena ka pelo ya ka yohle, moya wa ka o thabele Modimo wa ka haholo, hobane o nkapesitse kobo ya ho pholoswa, a nkwahela ka seaparo sa ho loka, jwalokaha monyadi a ikgabisa ka moqhaka, a ikgabisa jwaloka moprista a ikgabisa, monyaduwa a tlatlapela mabenyane a hae.

Isaia 62:3

Matsohong a Morena o tla ba mofapahlooho wa tlotla, matsohong a Morena o be moqhaka wa bokgosi.

Sakaria 9:16

Mohla tsatsi leo ba tla pholoswa, Morena Modimo wa bona, o tla ba pholosa, hobane tjhaba sena ke mohlape wa hae. Kahara naha ya hae ba tla phatsima, ba phatsime sa mabenyane a mofapahlooho.

Malakia 4:2

Ha e le lona ba hlomphang lebitso la ka, letsatsi la ho loka le tla le tjhabela ka mahlasedi a lona a fodisang. Lona le tla tswa, le thale jwaloka manamane a buletsweng ka sakeng.

Mattheu 12:38

Yaba tse ding tsa Ditsebi tsa Molao le ba bang ba Bafarisi ba a araba, ba re: “Moruti, re rata ho bona sesupo se tswang ho wena.”

Mattheu 24:30

“Jwale pontsho ya Mora Motho e tla hlaha lehodimong, merabe yohle ya lefatshe e tla ikotla difuba ka dillo, mme e tla bona Mora Motho a etla a le hodima maru a lehodimo, ka matla le ka tlotla e kgolo.

Mareka 13:25

dinaledi di tla wa lehodimong, mabotho a leng mahodimong a tla tsukutleha.

Luka 21:11

Dibakeng tse ding ho tla ba le ditshisinyeho tse kgolo tsa lefatshe, le mafu a sewa, le ditlala, le matshabeho, le dipontsho tse kgolo tse tswang lehodimong.

Luka 21:25

“Ho tla ba le dipontsho letsatsing, kgweding, le dinaleding. Lefatsheng ditjhaba di tla ba matswalong le tsielehong ka baka la modumo wa lewatle le maqhubu.

Johanne 3:29

Ya nang le monyaduwa ke monyadi, empa motswalle wa monyadi, ya emeng pela hae, mme a mo utlwa, o ye a thabe haholo ka baka la lentswe la monyadi. Ha ho le jwalo, thabo ena ya ka e phethahetse.

Diketso 2:19

Ke tla etsa dimakatso hodimo, lehodimong, le mehlolo tlase, lefatsheng: madi, le mollo, le mouwane wa mosi.

Baroma 13:14

Empa le apare tsa Morena Jesu Kreste, mme le kgaotse ho kgotsofatsa ditakatso tsa botho.

Baroma 3:22

Ke ka ho dumela ho Jesu Kreste, Modimo a lokafatsang bohle ba dumelang, ho se kgethollo.

2 Bakorinthe 11:2

Ke le boulela jwalokaha Modimo a le boulela, hobane ke le kgethetse ho nyalwa ke monna a le mong, e leng Kreste, hore ke tle ke le ise ho yena, le le jwaloka morwetsana ya hlwekileng.

Bagalata 3:27

hobane lona bohle ba kolobeleditsweng ho Kreste le apere Kreste.

Bagalata 4:26

Empa Jerusalema e hodimo, e leng mma rona, yona e lokolohile,

Bagalata 6:14

Nna ke mpe ke se ithorise ka letho, haese feela ka sefapano sa Morena wa rona Jesu Kreste, seo ka sona ho nna lefatshe le thakgisitsweng, le nna ke thakgisitsweng ka nqeng ya lefatshe!

Baefese 5:32

Polelo ena ke sephiri se seholo, mme nna ke re e lekanya Kreste le kereke.

Tshenolo 1:20

Ha e le sephiri sa dinaledi tse supileng, tseo o di boneng ka letsohong la ka le letona, le sa didulwana tsa mabone tsa kgauta tse supileng, ke sena: Dinaledi tse supileng ke baruti ba dikereke tse supileng, le didulwana tsa mabone tse supileng ke dikereke tseo tse supileng.”

Tshenolo 11:19

Yaba ho bulwa tempele ya Modimo e lehodimong, mme ha bonahala areka ya selekane ka ho yona. Ha eba teng mahadima, le medumo, le letolo, le tshisinyeho ya lefatshe, le sefako se dinaka.

Tshenolo 12:3

Ha hlaha pontsho e nngwe hape lehodimong. E ne e le kganyapa ya tonana, e kgubedu, e dihlooho tse supileng, le dinaka tse leshome, le mefapahlooho e supileng dihloohong tsa yona.

Tshenolo 15:1

Jwale lehodimong ka bona pontsho e nngwe e kgolo, e makatsang: mangeloi a supileng a nkileng dikotlo tse supileng tsa ho qetela, tse tla phethahatsa kgalefo ya Modimo.

Tshenolo 21:14

Lerako la motse le ne le ena le majwe a leshome le metso e mmedi a motheo, ao ho wona ho ngotsweng mabitso a baapostola ba leshome le metso e mmedi ba Konyana.

Tshenolo 21:23

Motse ha o hloke letsatsi kapa kgwedi ho o bonesetsa, hobane tlotla ya Modimo e a o kgantshetsa, mme lebone la wona ke Konyana.