Numere 9:5 - BIBELE

⁵ Ka letsatsi la leshome le metso e mene, la kgwedi ya pele, ka phirimana, bana ba Iseraele ba etsa mokete wa Paseka ba le lehwatateng la Sinai. Bana ba Iseraele ba etsa tsohle ho ya kamoo Morena a neng a laetse Moshe kateng.

Sesotho 1909/1961 (SO)

⁵ ba etsa Paseka feelleng la Sinai, ka kgwedi ya pele, ka tsatsi la leshome le metso e mene la kgwedi, ka nako ya mantsiboya. Tsohle tseo Jehova a neng a di laetse Moshe, bana ba Iseraele ba di etsa jwalo.

Numere 9:5 Referencias Cruzadas

Genese 6:22

Nowe a etsa jwalo; a etsa jwalokaha Modimo a ne a mo laetse.

Genese 7:5

Nowe a etsa jwalokaha Morena a ne a mo laetse.

Eksoda 12:50

Bana bohle ba Iseraele ba etsa jwalokaha Morena a ne a laetse Moshe le Arone.

Eksoda 39:32

Yaba mosebetsi wa Leaho la Tente ya Morena, wa phethwa. Bana ba Iseraele ba ne ba entse tsohle ho ya kamoo Morena a neng a laetse kateng.

Eksoda 39:42

Bana ba Iseraele ba ne ba entse mosebetsi wohle ho ya kamoo Morena a neng a laetse Moshe kateng.

Numere 1:54

Bana ba Iseraele ba etsa jwalo; ba etsa tsohle jwalokaha Morena a ne a laetse Moshe.

Numere 29:40

Moshe a bolella bana ba Iseraele tsohle tseo Morena a mo laetseng tsona.

Numere 8:20

Bo-Moshe, le Arone, le setjhaba sohle sa bana ba Iseraele, ba etsa jwalo ho Balevi. Ho ya ka tsohle tseo Morena a neng a di laetse Moshe, malebana le Balevi, bana ba Iseraele ba etsa Balevi jwalo.

Numere 9:4

Moshe a bolella bana ba Iseraele hore ba etse mokete wa Paseka.

Mattheu 28:20

le ba rute ho boloka tsohle tseo ke le laetseng tsona. Bonang, ke na le lona kamehla yohle ho isa bofelong ba lefatshe.”

Johanne 15:14

Lona le metswalle ya ka, ha le etsa seo ke le laelang sona.

Diketso 26:19

“Ke ka hona, kgosi Ageripa, ke sa kang ka hana ho mamela pono eo ya lehodimo.

Deuteronoma 1:3

Ka letsatsi la pele la kgwedi ya leshome le motso o mong, selemong sa mashome a mane, Moshe a bua ho bana ba Iseraele, ho ya kamoo Morena a neng a mo laetse kateng mabapa le bona.

Deuteronoma 4:5

“Bonang, ke le rutile melao le ditaelo, jwalokaha Morena Modimo wa lona, a ntaetse, e le hore le tle le etse jwalo naheng eo le yang ho yona, hore e be ya lona.

BaHebheru 11:8

Ka tumelo Aborahama o ile a mamela ha Modimo a mmitsa, mme a fallela naheng e tlang ho ba lefa la hae; a tloha a sa tsebe moo a yang teng.

BaHebheru 3:5

Moshe o ile a tshepahala tlung yohle ya Modimo e le mosebeletsi ya pakang tse tlang ho bolelwa ke Modimo,

Joshua 5:10

Bana ba Iseraele ba nna ba hlola Gilegale, mme ka letsatsi la leshome le metso e mene la kgwedi eo, ka phirimana, ba keteka mokete wa Paseka diphuleng tsa Jeriko.