Numere 4:14 - BIBELE

¹⁴ Ba bee dijana tsohle tsa aletare hodima yona, tseo ba sebeletsang ka tsona, e leng dithotobolo, le difereko, le dikgarashwana, le dikotlolo, le dijana tsohle tsa aletare, ebe ba di kwahela ka letlalo la qibi, ba nto e kgwesa mefenng ya yona.

Sesotho 1909/1961 (SO)

¹⁴ Kahodima yona, ba tla bea dintho tsohle tsa tshebetso ya yona, e leng dipitsa tsa dibano, le difereko, le dikgarashwana, le mehope ya dinwelo, le mesebetsi yohle ya aletare; ba tla ala kahodimo sekgurumetso sa matlalo a diqibi, ba kenye ho yona mejaro.

Numere 4:14 Referencias Cruzadas

2 Dikronike 4:19

Solomone a etsa dintho tsohle tsa Tempele ya Morena, le aletare ya kgauta, le ditafole tse neng di bea bohobe bo halalelang.

Eksoda 27:1

“O tla etsa aletare ka dithupa tsa sefate sa mositsane; bolelele ba yona e be dimethara tse pedi le halofo, bophara ba yona e be dimethara tse pedi le halofo. Aletare eo e be le mahlakore a mane, a lekanang, mme bophahamo ba yona e be methara le halofo.

Eksoda 27:3

O tla e etsetsa dithotobolo tsa yona, le dikgarashwana tsa yona, le dinwelo tsa yona, le difereko tsa yona tse hlabang nama, le dipane tsa yona; thepa yohle ya yona e etswe ka lethose.

Numere 4:13

“Ha ba se ba fietse molora o hodima aletare, ba ale lesela le perese hodima yona.

Numere 4:15

“Ha Arone le bara ba hae ba qetile ho kwahela Sehalalelo, le dijana tsohle tsa sona, mme ho tlohuwa moo ho neng ho hlomilwe teng, bara ba Kohate ba tla tla, ba nke Sehalalelo, empa ba se ke ba ama dintho tse halalelang, esere ba eshwa. Ena ke mesebetsi ya bara ba Kohate ka Tenteng ya Morena.

Numere 4:6

Ba e kwahele le ka letlalo la qibi, ba ale lesela le leputswa kahodimo, ebe ba e kgwesa mefenng ya yona.