Mattheu 20:6 - BIBELE

⁶ Ha e batla e eba hora ya bohlano motsheare wa mantsiboya, a tswa, a fumana ba bang ba eme, a re ho bona: ‘Le emetseng moo letsatsi lohle le sa etse letho?’

Sesotho 1909/1961 (SO)

⁶ Ha a etswa e batlile ho ba hora ya leshome le motso o mong, a bona ba bang ba eme ba sa etse letho; a re ho bona: Le emetseng jwalo tsatsi lohle, le sa etse letho?

Baasraak Sotho NT

⁶ Yare ha e batla e eba hora ya leshome le motso o mong, a tswa, a fihlela ba bang ba eme, ba sa etse letho, a re ho bona: Le emetseng moo letsatsi lohle le sa etse letho?

Contemporary Southern Sotho Bible 2024

⁶ Yare ha e batla e eba hora ya leshome le motso o mong, a tswa, a fihlela ba bang ba eme, ba sa etse letho, a re ho bona: Le emetseng moo letsatsi lohle le sa etse letho?

Mattheu 20:6 Referencias Cruzadas

Diproverbia 19:15

Botswa bo isa motho le sephume sa boroko, sekgoba sona se bolawa ke tlala.

Moeklesia 9:10

Tsohle tseo o ka di etsang, o di etse ka matla a hao kaofela, hobane lebitleng, moo o yang teng, ha ho sa na mosebetsi, kapa merero, kapa tsebo, kapa bohlale.

Ezekiele 16:49

“ ‘Bona mona he, sena e bile sona sebe sa moena wa hao Sodoma: Yena le baradi ba hae ba ne ba ikgohomosa, ba pesotse dimpa, ba phela ka boiketlo, ba sa thuse bafumanehi kapa bahloki.

Mattheu 20:5

Ba ya. “Ha e batla e eba hora ya leshome le metso e mmedi, a boela a tswa, a etsa jwaloka pele; le ka hora ya boraro a etsa jwalo.

Mattheu 20:7

“Ba re ho yena: ‘Ke kahobane ha ho ya re fang mosebetsi.’ “A re ho bona: ‘Le lona eyang tshimong ya ka ya morara.’

Mattheu 20:9

“Ba qadileng ho sebetsa ha e batla e eba hora ya bohlano ba tla, ba amohela denare e mong le e mong.

Johanne 9:4

Eka kgona re etse mesebetsi ya ya nthomileng e sa ntsane e le motsheare; bosiu bo a tla, boo ka bona ho seng ya ka sebetsang.

Diketso 17:21

Baathene bohle le bajaki ba melata ba ne ba sa etse letho, haese ho bolela kapa ho utlwa ho hong ho hotjha.

BaHebheru 6:12

Le se ke la tepella, le mpe le etsise bao, bao ka tumelo le mamello, ba jang lefa la tseo ba di tshepisitsweng.