Mattheu 18:16 - BIBELE

¹⁶ Empa ha a sa o mamele, nka motho a le mong kapa ba babedi, e le hore taba efe kapa efe e tiiswe ka bopaki ba batho ba babedi kapa ba bararo,

Sesotho 1909/1961 (SO)

¹⁶ Empa ha a sa o mamele, o ye le e mong, leha ba ka ba babedi, polelo tsohle di tle di tiye ke melomo ya dipaki tse pedi kapa tse tharo.

Baasraak Sotho NT

¹⁶ Empa ha a sa o mamele, o nke a le mong kapa ba babedi ba bang, e le hore ka melomo ya dipaki tse pedi kapa tse tharo taba e nngwe le e nngwe e ka tiiswa.

Contemporary Southern Sotho Bible 2024

¹⁶ Empa ha a sa o mamele, o nke a le mong kapa ba babedi ba bang, e le hore ka melomo ya dipaki tse pedi kapa tse tharo taba e nngwe le e nngwe e ka tiiswa.

Mattheu 18:16 Referencias Cruzadas

1 Marena 21:13

Jwale banna ba babedi, ba kgopo, ba fihla ba dula kapele ho yena, ba mo qosa kapele ho setjhaba, ba re: “Nabote o ile a nyefola Modimo le kgosi!” Yaba ba hulanyetsa Nabote kantle ho motse, ba mo tlepetsa ka majwe, a ba a shwa.

Numere 35:30

“ ‘Ha e mong a ka bolaya motho, mmolai eo o tla bolawa ho ya ka bopaki ba dipaki, empa bopaki ba paki e le nngwe bo ke ke ba etsa hore motho a ahlolelwe lefu.’ ”

Johanne 8:17

Esita le Molaong wa lona ho ngotswe hore bopaki ba batho ba babedi ke ba nnete.

2 Bakorinthe 13:1

Lena e tla ba lekgetlo la boraro ke le etela. Taba efe kapa efe e tla tiiswa ka bopaki ba batho ba babedi kapa ba bararo.

Deuteronoma 17:6

Ka bopaki ba dipaki tse pedi, kapa tse tharo, eo ya lokelang ho shwa a bolawe, empa ka bopaki ba paki e le nngwe, a ke ke a bolawa.

Deuteronoma 19:15

“Paki e le nngwe e ke ke ya hlahisa bopaki bo qosang motho malebana le bokgopo bofe kapa bofe, kapa malebana le sebe sefe kapa sefe seo a se etsang. Qoso e tla ahlolwa ho ya ka bopaki ba dipaki tse pedi kapa tse tharo.

1 Timothea 5:19

Se amohele qoso e qosang moholo, haese ka bopaki ba batho ba babedi kapa ba bararo.

BaHebheru 10:28

Ha motho a sa boloke Molao wa Moshe, o ne a bolawa ka bopaki ba dipaki tse pedi kapa tse tharo, ho se mohau.

Tshenolo 11:3

Ke tla romela dipaki tsa ka tse pedi, di apere diaparo tse mahwashe, mme di tla porofeta ka matsatsi a sekete le makgolo a mabedi le mashome a tsheletseng.”