Mattheu 13:6 - BIBELE

⁶ empa hoba letsatsi le tjhabe, la e tjhesa, ya omella, hobane metso e ne e sa teba.

Sesotho 1909/1961 (SO)

⁶ Letsatsi ha le tjhaba, tsa pona; mme tsa etjha ke ho hloka metso.

Baasraak Sotho NT

⁶ Yare ha letsatsi le tjhaba, tsa tjhesa; mme kahobane di ne di se na metso, tsa omella.

Contemporary Southern Sotho Bible 2024

⁶ Yare ha letsatsi le tjhaba, tsa tjhesa; mme kahobane di ne di se na metso, tsa omella.

Mattheu 13:6 Referencias Cruzadas

Isaia 49:10

Ha ba ka ke ba lapa kapa ba nyorwa, kapa ba tjheswa ke motjheso wa tsatsi la lehwatata. Ya ba utlwelang bohloko o tla ba tataisa, a ba ise pela didiba tse kollang.

Mattheu 13:21

empa ha a na metso ka ho yena, ke motho ya mamellang ka nakwana, mme ha ho hlaha matshwenyeho kapa ditlhoriso ka baka la Lentswe la Modimo, o phakisa ho kweneha.

Mattheu 13:5

E nngwe ya wela mokurutlaneng, moo ho se nang mobu o mongata. Ya phakisa ya mela, hobane mobu o ne o sa teba,

Mattheu 13:7

E nngwe ya wela hara meutlwa, mme meutlwa ya hola, ya e bipetsa.

Mareka 4:6

Yare ha letsatsi le tjhaba la e tjhesa, ya omella, hobane metso e ne e sa teba.

Luka 8:13

E mokurutlaneng ke bao ereng ha ba utlwa, ba amohele lentswe ka thabo, empa ba se na motso; ba dumela ka nakwana, ere nakong ya moleko, ba kwenehe.

Baefese 3:17

e le hore, ka tumelo, Kreste a ahe ka dipelong tsa lona. Le tsitse, le tiye leratong,

BaKolose 1:23

Feela eka kgona le tiisetse tumelong. Le tshware le tiye, le se kgelohe tshepong eo le bileng le yona ha le utlwa molaetsa o molemo, o phatlalletswang dibopuwa tsohle tse tlasa letsatsi, oo nna Paulosi ke entsweng mosebeletsi wa wona.

BaKolose 2:7

Metso ya bophelo ba lona e ke e tebe ka ho yena, e be yena motheo wa bona; le tiye tumelong kamoo le e rutilweng kateng, mme teboho ya lona e kgaphatsehe.

Tshenolo 7:16

Ha ba ka ke ba hlola ba lapa kapa ba nyorwa; ha ba sa tla tjheswa ke letsatsi, kapa lebatama lefe kapa lefe,