Mattheu 10:30 - BIBELE

³⁰ Ha e le lona, esita le diqoba tsa moriri wa dihlooho tsa lona di badilwe kaofela.

Sesotho 1909/1961 (SO)

³⁰ Esita le qoba tsa moriri wa hlooho tsa lona di badilwe kaofela.

Baasraak Sotho NT

³⁰ Empa esita le moriri wa dihlooho tsa lona o badilwe kaofela.

Contemporary Southern Sotho Bible 2024

³⁰ Empa esita le moriri wa dihlooho tsa lona o badilwe kaofela.

Mattheu 10:30 Referencias Cruzadas

2 Samuele 14:11

Yaba mosadi o re: “Ke a o rapela: E se eka kgosi e ka rapela Morena Modimo wa yona, a thibela mophetetsi wa madi a tsholotsweng, hore a se ke a timetsa mora wa ka.” Kgosi ya re: “Ke hlapanya ka Morena ya phelang, leha e le qoba e le nngwe feela ya moriri wa mora wa hao, e ke ke ya wela fatshe!”

1 Marena 1:52

Solomone a re: “Haeba a ka tshepahala, ha ho qoba ya moriri wa hae e tla wela fatshe, empa haeba a ka fumanwa a le kgopo, o tla bolawa.”

Luka 12:7

Esita le diqoba tsa moriri wa hlooho tsa lona di badilwe kaofela. Le se ke la tshaba! Le ba bohlokwa ho feta dirobele tse ngata.”

Luka 21:18

Empa ha ho ka ke ha lahleha leha e le qoba e le nngwe ya moriri hloohong tsa lona.

Diketso 27:34

kahona ke le kgothaletsa hore le je, le tsebe ho phela, hobane ha ho le ya mong wa lona ya tla lahlehelwa le ke qoba ya moriri wa hae.”

1 Samuele 14:45

Yaba setjhaba se re ho Saule: “Na Jonathane o tla bolawa, yena ya pholositseng setjhaba sa Iseraele hakaalekaale? Le ho ka! Re ikana ka Modimo ya phelang: Leha e le qoba e le nngwe feela ya moriri wa hae e ke ke ya wela fatshe! Seo a se entseng kajeno, o se entse ka thuso ya Modimo.” Setjhaba sa lopolla Jonathane, a se ke a bolawa.