Luka 22:52 - BIBELE

⁵² Jwale Jesu a re ho baprista ba baholo le balaodi ba Tempele ba tlileng ho mo tshwara: “Na ebe ke senokwane ha le tlile ka disabole le dikoto tjee?

Sesotho 1909/1961 (SO)

⁵² Yaba Jesu o bolella baprista ba baholo, le balaodi ba tempele, le baholo ba tlileng ho mo tshwara, a re: Le tlile ka disabole le ka melamu, jwalokaha eka le batla leshodu!

Baasraak Sotho NT

⁵² Yaba Jesu o re ho baprista ba baholo, le balaodi ba Tempele, le baholo ba tlileng ho yena: “Na le tlile ka disabole le melamu, jwalokaha eka le futuhetse leshodu?

Contemporary Southern Sotho Bible 2024

⁵² Yaba Jesu o re ho baprista ba baholo, le balaodi ba Tempele, le baholo ba tlileng ho yena: “Na le tlile ka disabole le melamu, jwalokaha eka le futuhetse leshodu?

Luka 22:52 Referencias Cruzadas

2 Marena 11:15

Empa moprista Jehoyada a laela balaodi ba ba makgolo, e leng baokamedi ba mabotho, a re ho bona: “Mo ntshetseng kantle ho mabala a Tempele! Motho ya tla mo sala morao le mmolaye ka sabole!” Moprista o ne a ile a inahana, a re: “Ha a tshwanele ho bolaelwa mabaleng a Tempele ya Morena.”

Mattheu 26:47

Yare a sa bua, Judase, e mong wa ba leshome le metso e mmedi, a fihla a ena le letshwelehadi le tshwereng disabole le dikoto, le etswa ho baprista ba baholo le baholo ba setjhaba.

Mattheu 26:55

Ka yona nako eo Jesu a re ho matshwele: “Na ebe ke senokwane ha le tlile ho ntshwara ka disabole le dikoto tjee? Ke nnile ka ruta ka Tempeleng ka matsatsi wohle, empa ha le a ka la ntshwara.

Luka 22:37

Ke a le bolella hore se ngotsweng, se reng: ‘O baleletswe le baetsadibe’, eka kgona se phethahale ho nna, hobane se ngotsweng ka nna se tla phethahala.”

Luka 22:4

A ya buisana le baprista ba baholo le balaodi ba Tempele kamoo a ka ba neelang yena kateng.

Luka 22:51

Jesu a re: “Tlohelang, ho lekane!” Yaba o ama tsebe ya hae, o a mo fodisa.

Luka 22:53

Ke ne ke ntse ke ena le lona ka matsatsi wohle ka Tempeleng, ha le a ka la ntshwara! Empa nako ena ke ya lona le ya Matla a Lefifi.”

Johanne 17:12

Ha ke ne ke sa na le bona, ke ba bolokile ka lebitso la hao leo o nneileng lona, ka ba sireletsa, mme ha ho a timela le ya mong wa bona, haese ya loketseng ho timela, hore Mangolo a tle a phethahale.

Diketso 5:26

Yaba molaodi o ya le bahlanka, mme ba ba tlisa, feela e se ka dikgoka, hobane ba ne ba tshaba setjhaba, esere sa ba tlepetsa ka majwe.