Luka 22:44 - BIBELE

⁴⁴ Ha a le ditlallong tsa lefu a rapela ka ho fetisisa, mme mofufutso wa hae wa eba jwaloka marothodi a madi a rothelang fatshe.

Sesotho 1909/1961 (SO)

⁴⁴ Eitse ha a le matswalong a maholo, a eketsa ho rapela ka matla; mme dikgororo tsa hae tsa eba jwaloka marothodi a madi a rothelang fatshe.

Baasraak Sotho NT

⁴⁴ Mme a le bohlokong bo boholo, a rapela ka matla, mme mofufutso wa hae wa eba jwaloka marothodi a madi a rothelang fatshe.

Contemporary Southern Sotho Bible 2024

⁴⁴ Mme a le bohlokong bo boholo, a rapela ka matla, mme mofufutso wa hae wa eba jwaloka marothodi a madi a rothelang fatshe.

Luka 22:44 Referencias Cruzadas

Isaia 53:10

Ho ratile Morena hore a tetetswe, a hlokofatswe, bophelo ba hae e be nyehelo e tlosang sebe; kahoo o tla bona ditloholo tsa hae, matsatsi a bophelo ba hae a lelefale, thato ya Morena e atlehiswe ke letsoho la hae.

KOLI-YA-MALLA 1:12

“Lona bohle, bo-mofeta-ka-tsela, na hoo ha ho re letho ho lona? Qamakang kahohle le ke le bone: Na matshwenyeho a tshwanang le a ka a teng, matshwenyeho ao ke otlilweng ka wona, ao Morena a a theoletseng hodima ka, mohla tsatsi la kgalefo e tlokomang ya hae?

Luka 22:45

Ha a rapetse a ya ho barutuwa, a ba fumana ba kgalehile ke maswabi,

Johanne 12:27

“Jwale moya wa ka o ferekane. Ke tla reng? Na ke tla re: ‘Ntate, o mpholose nakong ena?’ Empa ke ka lebaka lena ke fihletsweng ke nako ena.

Baroma 8:32

Ha e le moo a sa ka a qenehela Mora wa hae ka sebele, a mpa a mo neetse lefu ka baka la rona bohle, na a ke ke a re nea dintho tsohle hammoho le yena na?

BaHebheru 5:7

Kreste, ha a ntse a phela lefatsheng, o ile a hlahisa dithapelo le dikopo ka mehoo le ka meokgo ho Modimo, ya neng a ka mo pholosa lefung, mme kaha a ne a ikokobeditse, Modimo o ile a mo mamela.