Levitike 2:5 - BIBELE

⁵ “ ‘Haeba nyehelo ya hao e le ya bohobe bo besitsweng rosetereng, bo etswe ka phofo ya koro e thumisehileng, e dubilweng ka ole ya mohlwaare, bo se ke ba lomoswa.

Sesotho 1909/1961 (SO)

⁵ Ha nyehelo ya hao e le ya tse apehwang paneng, a e ke e be ya lefi la phofo e sa lomoswang, e dubilweng ka ole.

Levitike 2:5 Referencias Cruzadas

Levitike 2:6

O bo rathele, ebe o tshela ole hodima bona; ke nyehelo ya phofo.

Levitike 6:21

E dujwe hantle ka ole, e phehwe ka pane, ebe e a tliswa. Ha e se e rathetswe, e tliswe e le nyehelo ya dijo, e monko o monate ho Morena.

Levitike 7:12

“ ‘Ha sehlabelo e le sa teboho, motho a se tlise se ena le maqebekwane a sa lomoswang, a dubilweng ka ole; le moqathane o sa lomoswang, o tlotsitsweng ka ole; le dikuku tse entsweng ka phofo e thumisehileng, e dubilweng ka ole.

Levitike 7:9

Nyehelo ya dijo, e phehilweng ka onto, le eohle e hadikilweng ka pane, kapa ka rosetere, e tla ba ya moprista ya etseditseng motho nyehelo ka yona.

Numere 7:43

Nyehelo ya hae ya eba mokeke o le mong wa silefera, oo boima ba wona e neng e le kilo e le nngwe le halofo; le sekotlolo se le seng sa silefera, seo boima ba sona e neng e le dikeramo tse makgolo a robedi, tse lekantsweng ka tekanyo e sebediswang ka Sehalalelong. Bobedi ba tsona di ne di tletse phofo e thumisehileng, e dubilweng ka ole, e le nyehelo ya dijo.