Jobo 10:9 - BIBELE

⁹ Ako hopole, o mpopile seka letsopa; na o tla nkgutlisetsa leroleng hape?

Sesotho 1909/1961 (SO)

⁹ Elellwa hle hobane o mpopile jwaloka letsopa; mme o re, ke kgutlele leroleng?

Jobo 10:9 Referencias Cruzadas

Genese 2:7

Morena Modimo a bopa motho ka lerole le tswang mobung; ka dinkong tsa hae a budulela moya wa bophelo, mme motho ya eba sebopuwa se phelang.

Genese 3:19

O tla ja bohobe ka mofufutso wa phatla ya hao, ho fihlela o boela mobung, hobane o ntshitswe mobung, o lerole, mme o tla boela leroleng!”

Jobo 10:10

Na ha o a nqhatsa jwalokaha ho qhatswa lebese, wa mphehla jwalokaha leokwana le fehlwa?

Jobo 17:14

haeba ke re ho lebitla: ‘Ke wena ntate,’ ho seboko ke re: ‘O mme, o kgaitsedi,’

Jobo 33:6

Kapela Modimo ke tshwana le wena, ke bopilwe ka letsopa jwaloka wena.

Jobo 34:15

tsohle tse phelang di ne di tla timela, motho le yena, a kgutlele leroleng.

Jobo 4:19

a ka tshepa jwang ba meqhemeng ya makwete, ba bopilweng ka role la lefatshe, ba phetshelwang habonolo jwaloka tshwele?

Jobo 7:21

Ke hobaneng ha o sa tshwarele tshito ya ka, wa tlosa bokgopo ba ka ba fela? Haufinyane ke tla robala lebitleng; o tla mpatla, empa ke tla ba siyo.”

Jobo 7:7

“Modimo, hopola: Phelo ba ka bo ka moya feela, mahlo a ka ha a ka ke a bona tse molemo hape.

Dipesaleme 103:14

Ke hobane yena o tseba seo re bopilweng ka sona, ha a lebale hore re lerole feela.

Dipesaleme 104:29

Ha o ipata sefahleho, di a tshoha; ha o di amoha moya wa hao, di a shwa, di boele di kgutlele leroleng.

Dipesaleme 106:4

Morena, ako nkgopole, ha o sitsa setjhaba sa hao, o nketele, o tlo mpholosa.

Dipesaleme 22:15

Ke jwaloka metsi a tsholohang, masapo a ka a tswenehile; pelo ya ka e jwaloka tshotso, e qhibidiha ka sefubeng sa ka;

Dipesaleme 25:18

Tadima ho hlopheha ha ka le tsietsi ya ka, mme o ntshwarele dibe tsa ka tsohle.

Dipesaleme 78:39

A hopola hore ke ba nama le madi, ke moya o ikelang, moya o ke keng wa hlola o kgutla.

Dipesaleme 89:47

Morena, o tla ipata ho fihlela neng? Kgalefo ya hao e tla tuka, e tuke jwaloka mollo ho fihlela neng?

Dipesaleme 90:3

O kgutlisetsa motho leroleng, o re: “Kgutlang, bana ba batho.”

Moeklesia 12:7

lerole le eso busetswe leroleng, moya o kgutlela ho Modimo, Mofani wa wona.

Isaia 45:9

“Ho madimabe ya tsekisanang le Mmopi wa hae, yena e leng lengetana hara mangetana! Na letsopa le ka re ho sebopi sa lona: ‘O etsang?’ Na mosebetsi wa hao o ka re: ‘Ha o na tsebo’?

Isaia 64:7

Ha ho na motho ya ipiletsang ho wena, kapa ya lekang hore a o kgomarele; hobane o re patetse fahleho sa hao, wa etsa hore re motele ka baka la dibe tsa rona.

Isaia 64:8

Leha ho le jwalo, Morena, wena o ntata rona; rona re letsopa, wena o sebopi, bohle re mosebetsi wa matsoho a hao.

Jeremia 18:6

“Na ke hore wena, ntlo ya Iseraele, nke ke ka o etsa jwalokaha sebopi se etsa ka letsopa la sona?” ho rialo Morena. “Seo letsopa le leng sona matsohong a sebopi, ke seo wena ntlo ya Iseraele, o leng sona matsohong a ka.

Baroma 9:21

Na sebopi sa dipitsa ha se na matla hodima letsopa, a ho etsa ka kgwabi e le nngwe pitsa tse pedi, e nngwe e le ya mesebetsi e kgethehileng, e nngwe e le ya mesebetsi ya kamehla?

2 Bakorinthe 4:7

Empa rona re ka dipitsa tsa letsopa tse tshetseng letlotlo lena, hore matla ao a fetisisang e be a Modimo, e seng a rona.