Jeremia 15:21 - BIBELE

²¹ “Ke tla o pholosa matsohong a ba kgopo, ke o lopolle matsohong a ba sehloho.”

Sesotho 1909/1961 (SO)

²¹ Mme ke tla nne ke o namolele matsohong a ba babe, ke o lwele matleng a bahale.

Jeremia 15:21 Referencias Cruzadas

Genese 48:16

Lengeloi le ntopoletseng bobeng bohle, a hlohonolofatse bahlankana bana! Bitso la ka, le la Aborahama, le la Isaka, a ke a tume, a tumiswe ke bona, ba ke ba ate, ebe letshwele naheng ena.”

Dipesaleme 27:2

Ha ba etsang bobe ba ntwantsha ho mpolaya, dira tseo tsa ka le bao ba ntlhoileng ba a kgothometseha, ba we.

Dipesaleme 37:40

Morena o a ba thusa, o a ba lopolla; o tla nne a ba lopolle ho ba kgopo, a ba pholose, hobane ba tshabetse ho yena.

Dipesaleme 97:10

Lona ba ratang Morena, hloyang bokgopo, o baballa bophelo ba batshepuwa ba hae, o ba namolela matsohong a ba kgopo.

Isaia 29:20

Ba sehloho ba tla timela, le basomi ba fele, ba tjhatjhehelang bobe le bona ba timetswe:

Isaia 29:5

Matshwele a dira tsa hao a tla fetoha lerole, mphi tse sehloho di fefolwe sa mmoko, hanghang hona ho tla etsahala ka ho panya ha ntshi!

Isaia 49:26

Bahatelli ba hao ke tla ba fepa nama ya bona, ba tahwe ke madi a bona sa veine e ntjha. Batho bohle ba tla tseba hore nna Morena, ke Mopholosi wa hao le Molopolli wa hao, yena Ya Matla wa Jakobo.”

Isaia 54:17

Ha ho na sebetsa se tla o bolaya, bohle ba o qosang o tla ba hlola ka nyewe. Lena ke lona lefa la bahlanka ba Morena, ke ho loka hoo ke ba neang hona,” ho rialo Morena.

Isaia 60:16

O tla anya lebese la baditjhaba, o anye matswele a dikgosi tsa bona, o tsebe hore nna Morena, ke Mopholosi wa hao, Molopolli wa hao, Ya Matla wa Jakobo.

Jeremia 16:1

Lentswe la Morena la boela la fihla ho nna, la re:

Jeremia 20:13

Binelang Morena, le mo rorise! O pholositse bafumanehi matsohong a ba kgopo.

Jeremia 26:24

Leha ho le jwalo Ahikama, mora wa Shafane, a buella Jeremia hore a se ke a neelwa setjhaba hore se mmolaye.

Jeremia 31:11

Morena o pholositse bana ba Jakobo, a ba lopolla matsohong a ba matla ho ba feta.

Jeremia 38:28

Jeremia a dula ka lebaleng la tjhankana ho fihlela ka letsatsi leo Jerusalema e ileng ya hapuwa ka lona. Le yena Jeremia o ne a le teng ha Jerusalema e hapuwa.

Jeremia 39:11

Nebukadenesare, kgosi ya Babilona, a fana ka taelo malebana le Jeremia, a re ho Nebusaradane, molaodi wa balebedi:

Jeremia 39:12

“Mo nkeng le mo hlokomele, le se ke la mo etsa hampe, le mpe le mo etsetse tsohle tseo a tla le kopa tsona.”

Jeremia 50:34

Empa Mopholosi wa sona o matla, Morena wa mabotho ke lona lebitso la hae, se tla buellwa ke yena nyeweng ya sona. Lefatshe le tla tseba ho fumana phomolo, baahi ba Babilona bona ba hloke kgotso.

Daniele 3:17

Haeba ho ka ba jwalo, Modimo wa rona eo re mo sebeletsang, o na le matla a ho re pholosa seboping se tukang malakabe, mme o tla re namolela matsohong a hao, wena kgosi.

Daniele 3:25

Kgosi ya re: “Bonang! Ke bona banna ba bane ba tlamolotsweng, ba ntseng ba itsamaela hara mollo, empa ba sa tjhe. Sebopeho sa monna wa bone se tshwana le sa modimo!”

Mattheu 6:13

o re phemise ho kena molekong, o mpe o re lopolle bobeng, hobane Mmuso ke wa hao, le matla, le tlotla, kamehla le mehla. Amen.’

Baroma 16:20

Modimo ya re fang kgotso o tla etsa hore le ripitle Satane kapelepele. Mohau wa Morena wa rona Jesu o ke o be le lona.

2 Bakorinthe 1:10

e leng yena ya re pholositseng kotsing e kaalo ya ho shwa, mme o tla boela a re pholose. Re tshepile hore o tla nne a re pholose,