Isaia 19:12 - BIBELE

¹² Jwale ba kae bahlalefi ba hao? A ba o tsebise, ba o phatlalletse seo Morena wa mabotho a se reretseng Egepeta.

Sesotho 1909/1961 (SO)

¹² Ba kae jwale ba bohlale ba hao? Ba fele ba o bolelle, ho tle ho tsejwe seo Jehova wa makgotla a se rerileng hodima Egepeta.

Isaia 19:12 Referencias Cruzadas

Isaia 14:24

Morena wa mabotho o hlapantse, a re: “Jwalokaha ke hopotse, ho tla ba jwalo; jwalokaha ke rerile, ho tla phethahala.

Isaia 44:7

Ya tshwanang le nna ke mang? Ha a ke a phatlalatse! A ke a bolele kapele ho nna se etsahetseng haesale ke thea tjhaba sa ka kgalekgale, a bolele le tse tlang ho etsahala. E, a ke a senole tse tlang ho tla.

Isaia 5:21

Ho madimabe ba reng ba bohlale, bona ba iponang ba le masene.

Jeremia 2:28

“E kae jwale medimo ya lona, medimo ya maiketsetso? A e ke e tle haeba e tseba ho le pholosa nakong ena ya lona ya ditsietsi! Palo ya metse ya hao, wena Juda, e lekana le palo ya medimo ya hao.

Obadia 1:8

“Mohla tsatsi leo,” ho rialo Morena, “na ha ke tlo timetsa bahlalefi ba Edomo, thabeng ya Esau ke fedise ba nang le kutlwisiso?

Baroma 9:17

hobane Mangolong ho itswe ho Faro: “Ke o entse kgosi ka lebaka lona lena: hore ke bontshe matla a ka ka wena, le hore lebitso la ka le tume lefatsheng lohle.”

1 Bakorinthe 1:20

Jwale mohlalefi o tla fella kae? Morutehi yena? Sengangele sa tsa lefatshe sona? Ana Modimo ha a ka a bontsha hore bohlale ba lefatshe ke bothoto?

Baahlodi 9:38

Jwale Sebule a re ho yena: “Bo kae jwale boithoriso ba hao, wena ya itseng: ‘Le re Abimeleke ke mang, hoo re ka mo sebeletsang?’ Na batho baa hase bona bao o neng o ba nyedisa? Ako tswe jwale, o yo ba lwantsha.”