Hosea 5:12 - BIBELE

¹² Ho ba ntlo ya Efraime ke tshwana le tshwele, ho ba ntlo ya Juda ke ka diboko.

Sesotho 1909/1961 (SO)

¹² mme nna, ke jwaloka tshwele ho Efraime, le jwaloka ho bola ha masapo ho ntlo ya Juda.

Hosea 5:12 Referencias Cruzadas

Jobo 13:28

“Kahoo motho o motela sa ntho e bodile, o naphoha sa kobo e jelwe ke tshwele.”

Dipesaleme 39:11

Mphemise dikotlo tsa hao, letsoho la hao le nqetile.

Diproverbia 12:4

Mosadi ya lokileng ke moqhaka ho monna wa hae, ya hlabisang dihlong yena ke mofetshe, ke mofetshe o jang monna hae masapo.

Isaia 5:24

Ka baka leo, ba tla tjha sa ditlhaka di tjheswa ke mollo, ba tjhe sa matlakala a tjheswa ke malakabe, metso ya bona e tla bola, thunthung tsa bona di fefohe jwaloka lerole, hobane ba furaletse molao wa Morena mabotho, ba nyedisitse polelo tsa Ya Halalelang wa Iseraele.

Isaia 50:9

Bonang, Morena Modimo ke yena ya nthusang! Ke mang ya ka mphumanang ke le molato? Baqosi bohle ba ka ba tla thotjhoha, ba thotjhohe jwaloka seaparo, tshwele e ba je, e be e ba fedise!

Isaia 51:8

Tshwele e tla ba ja sa ha e eja seaparo, seboko se ba je jwalokaha se eja boya. Empa ho loka ha ka ho tla hlola kamehla yohle, ho pholosa ha ka e be ha meloko yohle.”

Jonase 4:7

Empa ka le hlahlamang, e sa le kameso, Modimo a romela seboko se ileng sa eja moko wa sefate seo, yaba se a pona.