Genese 26:14 - BIBELE

¹⁴ A ba le mehlape ya dinku le ya dikgomo, le bahlanka ba bangata, hoo Bafilesita ba ileng ba mo honohela.

Sesotho 1909/1961 (SO)

¹⁴ A rua mehlape ya manku, le mehlape ya makgomo, le bahlanka ba bangata, Bafilesta ba ba ba mo honohela.

Genese 26:14 Referencias Cruzadas

Genese 12:16

Ka baka la mosadi eo, Aborame a baballeha. A newa mehlape ya dinku le ya dikgomo, makgoba a banna le a basadi, ditonki tse tona le tse tshehadi, le dikamele.

Genese 13:2

Aborame o ne a ruile mehlape e mengata, le silefera, le kgauta.

Genese 24:35

Morena o hlohonolofaditse monga ka haholo, o mo entse hore e be morui. O mo file mehlape ya dinku le ya dikgomo, le silefera le kgauta, le bahlanka le makgabunyane, le dikamele le ditonki.

Genese 25:5

Aborahama a nea Isaka tsohle tseo a nang le tsona.

Genese 30:43

Ka mokgwa o jwalo Jakobo a rua ka ho fetisisa, mme a ba le mehlape e mengata, le makgabunyane, le bahlanka, le dikamele, le ditonki.

Genese 37:11

Bana babo ba mo honohela, empa ntatae yena a nna a nahana polelo eo.

Jobo 1:3

O ne a ruile dikgutshwane tse dikete tse supileng, le dikamele tse dikete tse tharo, le dipholo tse sekete, le ditonki tse tshehadi tse makgolo a mahlano. O ne a ena le bahlanka ba bangata, kahoo e le morui ya fetang barui bohle ba Botjhabela.

Jobo 42:12

Yaba Morena o hlohonolofatsa dilemo tsa ho qetela tsa bophelo ba Jobo ho feta dilemo tsa pele. A ba le dikgutshwane tse dikete tse leshome le metso e mene, le dikamele tse dikete tse tsheletseng, le dipholo tse dikete tse pedi, le ditonki tse tshehadi tse sekete.

Jobo 5:2

Sethoto se bolawa ke ho komakoma ha sona, sehlohwane sona se bolawa ke mona.

Dipesaleme 112:10

Ya kgopo ha a bona hoo, o a tlallana, o tsikitlanya meno, o a monyela; takatso ya ya kgopo e tla fela.

Dipesaleme 112:3

Menono le maruo di ka tlung ya hae, ho loka ha hae ho hlola kamehla yohle.

Diproverbia 10:22

Hlohonolo la Morena le entsha motho, ha ho maswabi ao le a tlisang.

Diproverbia 27:4

Kgalefo e sehloho, bohale bo a tlokoma, empa mona o ka engwa ke mang kapele?

Moeklesia 4:4

Ka hlokomela hore boikitlaetso bohle le katleho yohle, di tswalwa ke ho honohelana ha batho. Hona le hona ke lefeela le tshwanang le ho lelekisa moya feela.

1 Samuele 18:9

Saule a honohela Davida ke hona, haesale ho tloha mohlang oo, ho ya ho ile.