Eksoda 38:1 - BIBELE

¹ A etsa aletare ya setjheso ka dithupa tsa sefate sa mositsane. Bolelele ba yona e ne e le dimethara tse pedi le disenthimethara tse mashome a mabedi, bophara ba yona e le dimethara tse pedi le disenthimethara tse mashome a mabedi, e ne e ena le mahlakore a mane a lekanang; bophahamo ba yona e le methara e le nngwe le disenthimethara tse mashome a mararo.

Sesotho 1909/1961 (SO)

¹ Ha ntoo etswa aletare ya ditjheso ka sefate sa leoka; bolelele ba yona ya eba ditswe tse hlano, bophara ya eba ditswe tse hlano; e ne e le mahlakore a mane a lekanang, bophahamo bona e le tswe tse tharo.

Eksoda 38:1 Referencias Cruzadas

2 Dikronike 1:5

Le aletare ya lethose eo Besalele, mora wa Uri, setloholo sa Hure, a neng a e entse, o ne a e hlomme kapele ho Leaho la Morena moo bo-Solomone le setjhaba ba neng ba eya teng ho ya bua le Morena.

2 Dikronike 4:1

Solomone a etsa aletare ya lethose. Bolelele ba yona e ne e le dimethara tse ka bang robong, bophara ba yona le bona e ka ba dimethara tse robong, bophahamo e ka ba dimethara tse nne le halofo.

Eksoda 25:5

matlalo a dipheleu a mafubedu ke mmasa, le matlalo a diqibi, le dithupa tsa sefate sa mositsane;

Eksoda 30:17

Jwale Morena a bua ho Moshe, a re:

Eksoda 31:9

le aletare ya setjheso, le tsohle tsa yona; le sekotlolo sa ho itlhatswetsa, le sedulwana sa sona;

Eksoda 38:2

A etsa manaka a yona hodima dihuku tse nne tsa yona; manaka ao a ne a entswe ka thupa e le nngwe le aletare, mme a a maneha lethose.

Eksoda 40:29

A bea aletare ya setjheso monyakong wa Leaho, Tente ya Morena, hodima yona a etsa sehlabelo sa setjheso, le nyehelo ya dijo, jwalokaha Morena a ne a mo laetse.

Eksoda 40:6

“O tla bea aletare ya setjheso kapele ho monyako wa Leaho, Tente ya Morena;

Johanne 6:37

Bohle bao Ntate a nneang bona ba tla tla ho nna, mme ya tlang ho nna ha nka ke ka mo lahlela kantle,

Baroma 12:1

Bana beso, ka baka la mohau wa Modimo, ke a le rapela hore le ineele Modimo, le le sehlabelo se phelang, se halalelang, se mo kgahlisang, e leng tshebeletso ya lona e tshwanelehang.

BaHebheru 13:10

Re na le aletare, eo basebeletsi ba Tente ba se nang tokelo ya ho jela ho yona.

BaHebheru 13:8

Le kajeno Jesu Kreste e ntse e le yena wa maobane, mme e tla nne e be yena kamehla yohle.

BaHebheru 3:1

Ha ho le jwalo, bana beso ba halalelang, bao re nang le kabelo mmoho le lona pitsong ya lehodimo, tadimang moromuwa le Moprista e Moholo, Jesu, eo re mmolelang tumelong ya rona.

BaHebheru 9:14

na madi a Kreste ya inyehetseng ho Modimo ka moya wa hae o sa feleng, a se na sekodi, ekaba wona a hlwekisa hakaakang dipelo tsa rona mesebetsing e isang timelong, e le hore re tle re sebeletse Modimo ya phelang?

1 Petrose 2:5

Tloong le le majwe a phelang, a sebediswang ho haha tempele ya moya. Le be baprista ba halalelang, ba nyehellang Modimo ka mahlabelo a moya, a amohelehang ho yena ka Jesu Kreste;

Tshenolo 21:16

Motse o ne o ena le dikgutlo tse nne, bolelele ba wona bo ne bo lekana le bophara ba wona. Lengeloi la metha motse ka leqala la lona: o ne o etsa dikilomethara tse fetang dikete tse pedi; bolelele, bophara le bophahamo di ne di lekana.