Eksoda 30:4 - BIBELE

⁴ O e etsetse mefitshane e mmedi ya kgauta tlasa moqhaka wa yona; o e etse hodima dihuku tsa yona tse pedi, le hodima mahlakore a yona a mabedi. E tla ba moo ho kgweswang mefeng, hore aletare e tle e jarwe ka yona.

Sesotho 1909/1961 (SO)

⁴ O e etsetse mehwele e mmedi ya kgauta tlasa mofapo, mahlakoreng a yona a mabedi; o etse jwalo mahlakoreng a mabedi; mehwele eo e be ya ho kenya mejaro, eo e jarwang ka yona.

Eksoda 30:4 Referencias Cruzadas

Eksoda 25:12

O tle o e etsetse mehele e mene ya kgauta, o e kgwese maotong a yona a mane; mehele e mmedi e be ka lehlakoreng la pele, le e meng e mmedi ka lehlakoreng la bobedi.

Eksoda 25:14

Mefeng eo o tla e kgwesa meheleng e mahlakoreng a areka, ho tle ho jarwe areka ka yona.

Eksoda 25:27

Haufi le modimako ho tla ba le mehele e tla kgwesa mefeng e jarang tafole.

Eksoda 26:29

Ditshiya tsena o tla di maneha kgauta, o di etsetse mefitshane ya kgauta, eo ho tla kgweswa maballo ho yona, mme ao le wona o tla a maneha kgauta.

Eksoda 27:4

O e etsetse le mokgabiso, o kang letlowa le entsweng ka lethose. Hodima mokgabiso ona o etse mefitshane e mene ya lethose, dintlheng tsa yona tse nne.

Eksoda 27:7

Mefeng eo ya yona e kgweswe mefitshaneng, hore e tle e be mahlakoreng a mabedi a aletare ha e jarwa.

Eksoda 30:3

O tla e maneha kgauta e hlwekileng kahodimo le ka mahlakoreng ho e potoloha, le manakeng a yona; ebe o e etsetsa moqhaka wa kgauta o e potolohang.

Eksoda 30:5

O tla etsa mefeng eo ka dithupa tsa sefate sa mositsane, o e manehe kgauta.