Eksoda 26:17 - BIBELE

¹⁷ O tla etsa dimapo tse pedi, tse bapileng, tshiyeng e nngwe le e nngwe, mme o tla etsa jwalo ka ditshiya tsohle tsa leaho.

Sesotho 1909/1961 (SO)

¹⁷ Polanka e nngwe le e nngwe e tle e etsetswe dimapo tse pedi tse bapaneng, o tle o etse dipolanka tsohle tsa tabernakele jwalo.

Eksoda 26:17 Referencias Cruzadas

Eksoda 26:16

Bolelele ba thupa ka nngwe e be dimethara tse nne, mme bophara ba thupa ka nngwe e be disenthimethara tse mashome a tsheletseng a metso e tsheletseng.

Eksoda 26:18

O tla etsetsa leaho ditshiya tseo; ditshiya tse mashome a mabedi di be ka lehlakoreng le ka borwa.

Eksoda 26:19

O tla etsetsa ditshiya tseo tse mashome a mabedi ditshehetso tsa silefera, tse nang le mekotjana, tse mashome a mane. Ditshehetso tse pedi di be katlasa tshiya e nngwe le e nngwe, moo dimapo tse pedi tsa yona di tla kena teng.

Eksoda 36:22

Ba etsa dimapo tse pedi, tse bapileng, thupeng e nngwe le e nngwe, mme ba etsa jwalo ka dithupa tsohle tsa Leaho.

Eksoda 36:24

Ba etsetsa ditshiya tseo tse mashome a mabedi ditshehetso tsa silefera tse nang le mekotjana, tse mashome a mane. Ho ne ho ena le ditshehetso tse pedi katlasa tshiya e nngwe le e nngwe, moo dimapo tse pedi tsa yona di kenang teng.