Eksoda 20:16 - BIBELE

¹⁶ “O se ke wa etseletsa motho e mong.

Sesotho 1909/1961 (SO)

¹⁶ O se ke wa etselletsa wa heno ka leshano.

Eksoda 20:16 Referencias Cruzadas

Dipesaleme 15:3

ya sa etseletseng ka leleme la hae, ya sa etseng mohahabo hampe, ya sa tlameletseng wa habo,

Eksoda 23:1

“O se ke wa bolela taba tsa leshano. O se ke wa thusa motho ya kgopo, ka ho fana ka bopaki ba leshano.

Diproverbia 10:18

Ya patang lehloyo ke mothetsi, ya sebang ba bang, yena ke sethoto.

Diproverbia 11:13

Ya ratang ditshebo o hlahatsa makunutu, ya tshepahalang yena o na le sefuba.

Diproverbia 19:5

Paki ya bohata e tla ahlolwa, ya buang leshano a ke ke a phonyoha.

Diproverbia 25:18

Ya etseletsang mohahabo ka leshano ke koto kapa sabole, kapa motsu o ntjhotjho.

Levitike 19:11

“ ‘Le se ke la utswa, le se ke la etsetsana bolotsana, kapa la bolellana mashano.

Levitike 19:16

“ ‘O se ke wa tsamaisa leshano hara setjhaba sa heno; o se ke wa tshabella mohaeno ha a bolawa. Ke nna Morena.

Levitike 19:18

“ ‘O se ke wa iphetetsa, kapa wa ntshetsa disuwa baneng ba setjhaba sa heno, empa o rate wa heno jwalokaha o ithata. Ke nna Morena.

Mattheu 19:18

A mmotsa, a re: “Melao efe?” Jesu a re: “O se ke wa bolaya; o se ke wa feba; o se ke wa utswa; o se ke wa etseletsa motho e mong;

Luka 3:14

Le masole a mmotsa, a re: “Rona re etseng?” A re ho wona: “Le se ka la inkela tsa batho ka mahahapa, leha e le ho ba hatella; le kgotsofalle moputso wa lona.”

Diketso 6:13

Ba hlahisa dipaki tsa bohata, tse reng: “Motho enwa ha a phetse ho bua dipolelo tse lwantshang Nqalo ena e halalelang le Molao.

Baefese 4:31

Fedisang boswele bohle, le bohale, le kgalefo, le lerata, le bonyefodi, le bobe bohle.

Deuteronoma 5:20

“ ‘O se ke wa etseletsa motho e mong.

1 Timothea 1:10

dihlola, ba janang maotwana, ba rekisang makgoba, ba leshano, ba ikanang ka leshano, le bohle ba etsang eng kapa eng e fapaneng le thuto ya nnete.

2 Timothea 3:3

E tla ba batho ba se nang lerato, ba hanang ho boelanngwa le ba bang, ba buang batho hampe, ba hlokang boitshwaro, ba hlaha, ba hloileng tsohle tse lokileng,

Jakobo 4:11

Bana beso, le se ke la buana hampe. Ya buang ngwanabo hampe, kapa ya mo ahlolang, o bua molao hampe, mme o a o ahlola. Haeba o ahlola molao, ha o sa le ya phethang molao, empa o se o le ya ahlolang.