Eksoda 15:5 - BIBELE

⁵ Bodiba bo ba pupeditse, ba theohetse tlasetlase jwaloka lejwe.

Sesotho 1909/1961 (SO)

⁵ Maqhubu a ba apesitse; ba tebetse tlase bodibeng jwaloka lejwe.

Eksoda 15:5 Referencias Cruzadas

Nehemia 9:11

Wa phatlola lewatle kapele ho bona, ba tshela lewatle mobung o ommeng; baphaladisi ba bona wa ba akgela bodibeng, jwaloka lejwe ha le akgelwa metsing a bilohang.

Dipesaleme 106:11

Metsi a kwahela ba ba lwantshang, ha se ke ha phonyoha le ya mong.

Eksoda 14:28

Jwale metsi a kgutla, a kwahela dikariki tsa ntwa le bapalami, mmoho le mabotho wohle a Faro a neng a ba setse morao ho ya fihla lewatleng, empa ha ho le ya mong wa bona ya ileng a phonyoha.

Eksoda 15:10

O ile wa fokisa moya wa hao, lewatle la ba kwahela, ba teba jwaloka loto metsing a tshabehang.

Eksoda 15:16

Tshabo le thothomelo tsa ba wela hodimo, ka matla a tsoho la hao ba kgutsitse jwaloka majwe, ho fihlela tjhaba sa hao se feta, tjaba sa hao Morena, ho fihlela tjhaba seo se feta, seo o iphumanetseng sona.

Diproverbia 8:24

Ka tswalwa pele mawatle a eba teng, didiba tse kollang di eso ka di runya;

Ezekiele 27:34

Jwale o thuehetse hara mawatle, wa teba hara bodiba ba metsi; thepa yohle ya hao ya kgwebo, le bohle ba neng ba le ho wena, tsena tsohle di tebile mmoho le wena.

Jonase 2:2

a re: “Mahlomoleng a ka ka ipiletsa ho Morena, ka ipiletsa ho yena, mme a nkaraba. Ka kopa thuso ke le botebong ba Nqalo ya Bafu, mme wa utlwa lentswe la ka.

Mikea 7:19

O tla boela o re utlwela bohloko, makgopo a rona o a hatakella fatshe, dibe tsa rona o di lahlela botebong ba lewatle.

Mattheu 18:6

“Mang kapa mang ya dihelang sebeng e mong wa ba banyenyane bana ba dumelang ho nna, ho molemo ho yena hore a tlamellwe lelwala molaleng, mme a dihelwe bodibeng ba lewatle.

Tshenolo 18:21

Jwale lengeloi le matla la nka lejwe le kang lelwalahadi, la le akgela lewatleng, la re: “Babilona, motse o moholo, e tla akgelwa tlase ka sefutho se tjena, mme ha e ka ke ya hlola e bonwa hape.