Baefese 4:24 - BIBELE

²⁴ mme le apare botho bo botjha, bo bopilweng ka ho tshwana le Modimo ka ho loka le ka kgalalelo ya nnete.

Sesotho 1909/1961 (SO)

²⁴ le ho apara motho e motjha, ya bopilweng ka setshwantsho sa Modimo, ho lokeng le kgalalelong ya nnete.

Baasraak Sotho NT

²⁴ mme le apare motho e motjha, ya bopilweng ka mokgwa wa Modimo ho lokeng le kgalalelong ya nnete.

Contemporary Southern Sotho Bible 2024

²⁴ mme le apare motho e motjha, ya bopilweng ka mokgwa wa Modimo ho lokeng le kgalalelong ya nnete.

Baefese 4:24 Referencias Cruzadas

Genese 5:1

Ena ke buka ya leloko la Adama. Mohla Modimo a hlolang motho o ile a mo bopa ka setshwano sa Modimo;

Jobo 29:14

Ho loka e ne le seaparo sa ka, kahlolo ya ka e le kobo le moqhaka wa ka.

Isaia 52:1

Tsoha! Tsoha! O matlafale wena Sione! Wena Jerusalema, motse o halalelang, apara aparo tsa hao, aparo tse majabajaba, maqai le ba sesila ba ke ke ba hlola ba kena, ba kena ho wena.

Isaia 59:17

Ho loka ha sireletsa sefuba sa hae, hloohong a rwala katiba ya tshepe ya pholoho; a apara diaparo tsa boiphetetso, tjheseho ya eba yona kobo ya hae.

Luka 1:75

re halalela, mme re lokile pela hae ka matsatsi wohle a ho phela ha rona.

Johanne 17:17

Ba halaletse nneteng; lentswe la hao ke nnete.

Baroma 12:2

Le se ke la tshwana le ba lefatshe lena, le mpe le fetohe ka ho ntjhafala dikelellong, hore le tle le iphumanele seo thato ya Modimo e leng sona, e leng sohle se molemo, se kgahlehang, se phethehileng.

Baroma 13:12

Bosiu bo se bo tla sa, letsatsi le haufi le ho tjhaba. Ka hona a re lahleng mesebetsi ya lefifi, re apare dihlomo tsa lesedi.

Baroma 13:14

Empa le apare tsa Morena Jesu Kreste, mme le kgaotse ho kgotsofatsa ditakatso tsa botho.

Baroma 6:4

Ka kolobetso re epetswe le yena, ra ba le kabelo lefung la hae, e le hore, jwalokaha Kreste a tsohile bafung ka matla a tlotlehang a Ntatae, ka mokgwa o jwalo le rona re tle re phele bophelo bo botjha.

Baroma 7:6

Empa jwale, kaha re shwele ka nqeng ya se neng se re tshwere, re lokolotswe Molaong, hore re sebeletse Modimo ka moya o motjha, e seng ka Molao wa kgale.

Baroma 8:29

Bao a ba tsebileng e sa le pele, o ba kgethile e sa le pele hore ba tshwane le Mora wa hae, e le hore Mora e be letsibolo hara bana ba bangata ba Modimo.

1 Bakorinthe 15:53

Eka kgona se bolang sena se apare ho se bole, le se shwang sena se apare ho se shwe.

2 Bakorinthe 3:18

Rona bohle, jwaloka seiponeng, re bonahatsa tlotla ya Morena ka difahleho tse kgurumolotsweng, mme yona tlotla eo, e tswang ho Morena e leng Moya, e re fetola hore re tshwane le yena; re ntse re atelwa ke tlotla hoyahoile.

2 Bakorinthe 4:16

Ka baka leo, ha re tepelle. Leha botho ba rona ba nama bo senyeha, botho ba moya bona bo ntjhafala ka letsatsi le letsatsi.

2 Bakorinthe 5:17

Ka tsela ena, ha motho a le ho Kreste, ke mmopuwa e motjha; tsa kgale di fetile, tse ntjha di hlahile.

Bagalata 3:27

hobane lona bohle ba kolobeleditsweng ho Kreste le apere Kreste.

Bagalata 6:15

Ho bolla kapa ho se bolle hase letho; tabataba ke ho ba mmopuwa e motjha.

Baefese 2:10

Re dibopuwa tsa Modimo, ka Kreste Jesu o re bopetse ho etsa mesebetsi e metle, eo a neng a e lokise e sa le pele hore re tle re e etse.

Baefese 2:15

O fedisitse melawana le ditaelo tsa Molao wa Moshe. O bopile kgotso ka ho kopanya Mojuda le moditjhaba, a ba etsa motho e motjha ho yena.

Baefese 6:11

Hlomelang ka dihlomo tsohle tsa Modimo, hore le tle le tsebe ho qhela maraba a Diabolosi.

Tite 2:14

Yena o iteletse rona, hore a tle a re lopolle bokgopong bohle, a itlhwekisetse setjhaba seo e tla ba sa hae, se tjhesehelang mesebetsi e metle.

BaHebheru 1:8

Empa ka Mora ho itswe: “Terone ya hao Modimo, ke ya kamehla le mehla, lere la hao la puso, ke lere la toka.

BaHebheru 12:14

Pheellang ho phela le bohle ka kgotso le ka kgalalelo, hobane ntle ho yona ha ho ya tla bona Morena.

1 Petrose 2:2

Jwaloka masea a sa tswa hlaha, lakatsang lebese le hlwekileng la lentswe la Modimo, e le hore ka lona le tle le hodisetswe pholohong,

2 Petrose 1:4

Ka tsena o re neile dintho tsa bohlokwa, tse kgolo, tseo a neng a re tshepisitse tsona, e le hore ka tsona le tle le be le kabelo bomodimong ba hae, mme le phonyohe bokgopong bo teng lefatsheng, bo bakwang ke ditakatso tse mpe.