1 Bakorinthe 7:21 - BIBELE

²¹ Ha o bitsitswe o le lekgoba, o se ke wa itshwenya. Empa leha o ka lokoloha bokgobeng, thabela tokoloho eo.

Sesotho 1909/1961 (SO)

²¹ Hleka o bitsitswe o le ya ruilweng na? O se ke wa belaela ke hona. Empa ha o ka lokollwa, o mpe o ikgethele hona.

Baasraak Sotho NT

²¹ Na o bitsitswe o le mohlanka? u se ke ua e tsotella: empa ekare ha u ka lokoloha, u mpe u e sebelise.

Contemporary Southern Sotho Bible 2024

²¹ Na o bitsitswe o le mohlanka? u se ke ua e tsotella: empa ekare ha u ka lokoloha, u mpe u e sebelise.

1 Bakorinthe 7:21 Referencias Cruzadas

Luka 12:29

Lona le se ke la batla seo le ka se jang, le seo le ka se nwang, mme le se ke la belaela,

Luka 21:34

“Itlhokomeleng, esere mohlomong dipelo tsa lona tsa imelwa ke botlofa le botahwa, le matshwenyeho a bophelo bona, mme letsatsi lela la le tsometsa,

1 Bakorinthe 12:13

Bohle re kolobeleditswe ho ba mmele o le mong, ka Moya o le mong; leha re ka ba Bajuda kapa Bagerike, makgoba kapa balokolohi, re amohetse Moya o le mong.

1 Bakorinthe 7:20

E mong le e mong a nne a be kamoo a neng a le kateng mohla a neng a bitswa.

1 Bakorinthe 7:22

Etswe ya bitsitsweng ke Morena e le lekgoba, ho Morena o lokolohile. Ka mokgwa o jwalo, ya bitsitsweng ke Kreste a lokolohile, ke lekgoba la Kreste.

Bagalata 3:28

Jwale ha ho sa le Mojuda kapa moditjhaba, ha ho sa le lekgoba kapa molokollwa, ha ho sa le monna kapa mosadi, hobane lona bohle le ntho e le nngwe ho Kreste Jesu.

BaFilipi 4:11

Ha ke rialo ka baka la ho hloka, hobane ke ithutile ho kgotsofalla boemo boo ke leng ho bona.

BaFilipi 4:6

Se ngongoreheng ka letho, empa tsohle tseo le di hlokang le di hlahise ho Modimo ka thapelo le kopo e nang le teboho.

BaKolose 3:11

Kahoo ha ho sa le moditjhaba kapa Mojuda, ya bolotseng kapa ya sa bollang, ya hlaha, ya tala, lekgoba le molokolohi, empa ho na le Kreste feela; ke yena tsohle, mme o ho bohle.

BaHebheru 13:5

Bophelo ba lona bo se ke ba buswa ke ho rata tjhelete. Le kgotsofalle seo le nang le sona, hobane Modimo ka boyena o itse: “Ha nka ke ka o lahla, kapa ka o furalla.”

1 Petrose 5:7

Ditsietsi tsohle tsa lona le di rolele ho yena, hobane ke yena ya le baballang.