1 Bakorinthe 3:7 - BIBELE

⁷ Ka hona ya lemang hase letho, le ya nwesetsang hase letho, empa eo e leng letho ke Modimo ya medisang.

Sesotho 1909/1961 (SO)

⁷ Ha ho le jwalo, ya nang le taba hase ya hlomang, leha e le ya nosetsang, empa e le Modimo o medisang.

Baasraak Sotho NT

⁷ Jwale, ya lemang hase letho, leha e le ya nosetsang; empa ke Modimo ya medisang.

Contemporary Southern Sotho Bible 2024

⁷ Jwale, ya lemang hase letho, leha e le ya nosetsang; empa ke Modimo ya medisang.

1 Bakorinthe 3:7 Referencias Cruzadas

Dipesaleme 115:1

O se ke wa re nea tlotla, Morena, o se ke wa e nea rona, o mpe o e nee lebitso la hao, ka baka la mohau wa hao le botshepehi ba hao.

Dipesaleme 90:17

Morena Modimo wa rona a ke a be mosa ho rona, a atlehise mosebetsi wa matsoho a rona, e, a atlehise mosebetsi wa matsoho a rona.

Isaia 40:17

Tjhaba tsohle ke lefeela ho yena, o di tadima e le mafeela a se nang thuso.

Isaia 41:29

Bonang, medingwana eo ke ya bohata! Mesebetsi ya yona ke ya lefeela, medingwana ya bona ke lefeela le kang moya!”

Daniele 4:35

Baahi bohle ba lefatshe hase letho; o etsa thato ya hae ka mabotho a lehodimo, le ho baahi ba lefatshe o etsa jwalo. Ha ho ya ka thibelang tsoho la hae, kapa a re ho yena: ‘O etsang jwale?’

Johanne 15:5

“Ke nna sefate sa morara, lona le makala. Ya dulang ka ho nna, le nna ka ho yena, o beha ditholwana tse ngata, hobane ntle ho nna le ke ke la etsa letho.

1 Bakorinthe 13:2

Leha nka ba le neo ya boporofeta, mme ka tseba diphiri tsohle tsa Modimo, ka ba ka di utlwisisa, esita leha nka ba le tumelo yohle e hlokahalang ho suthisa dithaba, empa ke se na lerato, ha ke letho.

1 Bakorinthe 3:6

Nna ke ile ka lema, Apolosi yena a nwesetsa, empa ke Modimo ya medisitseng.

1 Bakorinthe 3:8

Ya lemang le ya nwesetsang ba a tshwana, mme e mong le e mong o tla amohela moputso ho ya ka mosebetsi wa hae.

2 Bakorinthe 12:11

Ke fetohile sethoto, hobane ke lona ba ntlamileng ho ba jwalo. Ke ne ke lokela ho pakwa ke lona, etswe leha ke se letho, baapostolahadi bao ha ba mphete ka letho.

2 Bakorinthe 12:9

empa a re ho nna: “Mohau wa ka o o lekane, hobane matla a ka a phethahala ka ba fokolang.” Ha ho le jwalo, ke tla ithorisa ka bofokodi ba ka ka thabo e kgolo, hore matla a Kreste a tle a be ho nna.

Bagalata 6:3

Ha motho a ikgopola hore ke letho, empa e se letho, o a ithetsa.