Tshenolo 4:6 - Sesotho 1909/1961 (SO)

⁶ Hape, pela terone, ho ne ho le lewatle la seipone, se kang kristale. Bohareng ba terone le ka nqa tsohle ho terone, dibopuwa tse phelang tse nne di ne di le teng, tse tletseng mahlo kapele le kamorao.

BIBELE

⁶ Kapele ho terone ho ne ho ka lewatle le kang kgalase, le benyang jwaloka lehakwe. Bohareng ba terone, le ho e potapota, ho ne ho ena le dibopuwa tse nne tse phelang. Di ne di ena le mahlo a mangatangata kapele le kamorao.

Baasraak Sotho NT

⁶ Ka pela terone ho ne ho le lewatle la seipone le jwaloka lejwe la kristale, mme mahareng a terone, le mathokong a terone, ho le dibopuwa tse phelang tse nne, tse tletseng mahlo ka pele le ka morao.

Contemporary Southern Sotho Bible 2024

⁶ Ka pela terone ho ne ho le lewatle la seipone le jwaloka lejwe la kristale, mme mahareng a terone, le mathokong a terone, ho le dibopuwa tse phelang tse nne, tse tletseng mahlo ka pele le ka morao.

Tshenolo 4:6 Referencias Cruzadas

1 Marena 7:23

Yaba o etsa letsha le tsholotsweng, ya eba ditswe tse leshome ho nka morumong o mong ho isa ho o mong, le le letjhitja, botebo ba lona e le ditswe tse hlano, tekanyo ya botjhitja e le ditswe tse mashome a mararo.

Jobo 28:17

Kgauta le kristale ha di bapiswe le jona; leha e le dikgabiso tsa kgauta, di ke ke tsa bo reka;

Eksoda 38:8

Yaba ho etswa morifi wa koporo, le sedulwana sa wona sa etswa ka koporo, ho nkilwe diipone tsa ho ipona tsa basadi ba sebetsang, ba neng ba etla tshebeletsong ka dihlopha, monyako wa tente ya pokano.

Ezekiele 10:12

Mmele yohle ya dikerubime, le mekokotlo ya tsona, le matsoho a tsona, le dipheo tsa tsona, le wona mabidi, di ne di tletse mahlo kahohle, e le bone ba tsona le mabidi a tsona.

Ezekiele 10:14

E nngwe le e nngwe e ne e na le difahleho tse nne. Sefahleho sa ya pele e ne e le sefahleho sa kerubime, sefahleho sa ya bobedi e ne e le sefahleho sa motho, sa ya boraro e le sefahleho sa tau, sa ya bone e le sefahleho sa ntsu.

Tshenolo 14:3

Ba ne ba bina ho kang sefela se setjha pela terone, le pela dibopuwa tse phelang tse nne, le pela baholo. Mme ho ne ho se ba ka ithutang sefela seo, haese ba dikete tse lekgolo le nang le mashome a mane a metso e mene, e leng ba lopolotsweng lefatsheng.

Tshenolo 15:2

Ka bona ho kang lewatle la seipone le kopaneng le mollo; ba neng ba hlotse sebata, le setshwantsho sa sona, le letshwao la sona, le palo ya lebitso la sona, ba ne ba eme hodima lewatle la seipone, ba tshwere diharepa tsa Modimo.

Tshenolo 15:7

Mme se seng sa dibopuwa tse phelang tse nne sa nea mangeloi a supileng dinkgo tsa kgauta tse supileng, tse tletseng bohale ba Modimo o phelang ka ho sa feleng.

Tshenolo 19:4

Baholo ba mashome a mabedi a metso e mene, le dibopuwa tse phelang tse nne, ba wa ka difahleho, ba kgumamela Modimo o dutseng teroneng, ba re: Amen! Alleluya!

Tshenolo 21:11

o kganya ka kganya ya Modimo: lesedi la wona le tshwana le la lehakwe la bohlokwa, le kang lejwe la jaspe e bonaletsang jwaloka kristale.

Tshenolo 21:18

Lerako la motse le hahilwe ka majwe a jaspe; motse wona e le kgauta feela e hlwekileng, e kang seipone se hlwekileng.

Tshenolo 21:21

Menyako e leshome le metso e mmedi ke diperela tse leshome le metso e mmedi; monyako o mong le o mong o entswe ka perela e le nngwe; lepatlelo la motse lona ke kgauta e ntle jwaloka seipone se bonaletsang.

Tshenolo 22:1

Lengeloi la mpontsha hape noka e ntle ya metsi a bophelo, a hlwekileng jwaloka kristale, e tswang teroneng ya Modimo le Konyana.

Tshenolo 4:4

Terone hape e ne e dikeditswe ke diterone tse ding tse mashome a mabedi a metso e mene, mme diteroneng tseo ka bona baholo ba mashome a mabedi a metso e mene, ba dutse, ba apere diaparo tse tshweu, ba rwetse meqhaka ya kgauta dihloohong tsa bona.

Tshenolo 5:11

Jwale, ka tadima, mme ka utlwa mantswe a mangeloi a mangata a teetseng terone, le dibopuwa tse phelang tse nne le baholo hare, mme palo ya wona e ne e le dikete tse dikete le mashome a dikete a mashome a dikete.

Tshenolo 5:14

Mme dibopuwa tse phelang tse nne tsa re: Amen! Mme baholo ba wa ka difahleho tsa bona, ba rapela.

Tshenolo 5:6

Yaba ke bona konyana e kang e hlabilwe, e eme mahareng a terone le a dibopuwa tse phelang tse nne, le mahareng a baholo, e na le dinaka tse supileng, le mahlo a supileng, e leng Meya e supileng ya Modimo, e rometsweng kahohle lefatsheng.

Tshenolo 5:8

Eitse hobane e nke buka eo, dibopuwa tse phelang tse nne, le baholo ba mashome a mabedi a metso e mene, ba kgumama pela Konyana, ba nkile, e mong le e mong, harepa le pitsana ya kgauta e tletseng tse monko o monate, e leng merapelo ya bahalaledi.

Tshenolo 6:1

Mme ka bona Konyana ha e manolla tiiso e nngwe ya tse supileng, mme ka utlwa se seng sa dibopuwa tse phelang tse nne, se re ka lentswe le kang seaduma: Tloo.

Tshenolo 6:6

Mme ka utlwa lentswe mahareng a dipobuwa tse phelang tse nne, le re: Kgala e le nngwe ya koro e rekwe ka denare, le kgala tse tharo tsa harese ka denare; empa o se ke wa senya ole le veine.

Tshenolo 7:11

Mme mangeloi kaofela a ne a eme a teetse terone, le baholo, le dibopuwa tse phelang tse nne hare; a ne a wa ka difahleho pela terone, a rapela Modimo,

Tshenolo 7:17

hobane Konyana e hara terone e tla ba alosa, mme e tla ba isa didibeng tsa metsi a bophelo; mme Modimo o tla hlakola meokgo yohle mahlong a bona.