Tshenolo 14:3 - Sesotho 1909/1961 (SO)

³ Ba ne ba bina ho kang sefela se setjha pela terone, le pela dibopuwa tse phelang tse nne, le pela baholo. Mme ho ne ho se ba ka ithutang sefela seo, haese ba dikete tse lekgolo le nang le mashome a mane a metso e mene, e leng ba lopolotsweng lefatsheng.

BIBELE

³ Ba ne ba bina sefela se setjha, ba le kapele ho terone, le ho dibopuwa tse nne tse phelang, le ho baholo. Ho ne ho se motho ya ka tsebang sefela seo, haese feela bao ba dikete tse lekgolo le mashome a mane a metso e mene, e leng ba lopolotsweng lefatsheng.

Baasraak Sotho NT

³ Ba bina sefela se setjha pela terone, le pela dibopuwa tse phelang tse nne, le baholo;

Contemporary Southern Sotho Bible 2024

³ Ba bina sefela se setjha pela terone, le pela dibopuwa tse phelang tse nne, le baholo;

Tshenolo 14:3 Referencias Cruzadas

Dipesaleme 144:9

Oho Modimo, ke rata ho o binela sefela se setjha, ke rata ho o rorisa ka thomo ya dikgole tse leshome,

Dipesaleme 149:1

Bokang Jehova! Binelang Jehova sefela se setjha, a nne a rokwe phuthehong ya bakgethwa ba hae.

Dipesaleme 25:14

Lekunutu la Jehova ke la ba mo tshabang, o ba ruta selekane sa hae.

Dipesaleme 33:3

Mmineleng sefela se setjha, lohlanang ka dikgoba, le utlwahatse diletsa tsa lona le mantswe a lona!

Dipesaleme 40:3

Molomong wa ka a bea sefela se setjha, dithoko tsa Modimo wa rona. Ba bangata ba tla bona hoo, ba tshabe, mme ba tshepe Jehova.

Dipesaleme 96:1

Binelang Jehova sefela se setjha; binelang Jehova, lona, baahi bohle ba lefatshe!

Dipesaleme 98:1

Binelang Jehova sefela se setjha, hobane o entse dintho tse mehlolo; seatla sa hae se setona le letsoho la hae le halalelang di hlotse dira tsa hae.

Isaia 42:10

Binelang Jehova sefela se setjha, le tumise dithoko tsa hae dipheletsong tsa lefatshe, lona ba tsamayang hodima lewatle, le lona dibopuwa tsohle tse ho lona, lona dihlekehleke le ba ahileng ho tsona.

1 Bakorinthe 1:18

Hobane polelo ya sefapano ke bohlanya ho ba timelang; empa ho rona ba bolokehang, ke matla a Modimo.

1 Bakorinthe 2:14

Empa motho wa nama ha a amohele ditaba tseo e leng tsa Moya wa Modimo; hobane ho yena ke bohlanya, mme o sitwa ho di tseba, hobane di lemohuwa ka moya.

Tshenolo 14:1

Jwale, ka tadima, mme ka bona Konyana e eme thabeng ya Sione, e ena le ba ngodilweng lebitso la Ntata yona diphatleng tsa bona, ba le dikete tse lekgolo le nang le mashome a mane a metso e mene.

Tshenolo 15:3

Mme ba bina sefela sa Moshe, mohlanka wa Modimo, le sefela sa Konyana, ba re: E meholo, e a babatseha, mesebetsi ya hao, Morena Modimo o matla wohle! Oho, Morena wa ditjhaba, ditsela tsa hao di lokile hakakang, ke nnete feela!

Tshenolo 2:17

Ya nang le ditsebe a utlwe seo Moya o se bolellang dikereke: Ya hlolang, ke tla mo fa ho ja manna a patilweng, ke be ke mo fe le lejwe le lesweu, leo ho ngodilweng ho lona lebitso le letjha, le sa tsejweng ke motho, haese ke ya le amohelang.

Tshenolo 5:9

Ba bina sefela se setjha, ba re: O loketse ho nka buka, le ho manolla ditiiso tsa yona; hobane o ne o hlajwe, mme wa lopollela Modimo, ka madi a hao, batho ba mefuta yohle, le ba dipuo tsohle, le ba merabe yohle, le ba ditjhaba tsohle;

Tshenolo 7:4

Mme ka utlwa palo ya ba tshwailweng e le dikete tse lekgolo le nang le mashome a mane a metse e mene, e leng ba tshwailweng melokong yohle ya bana ba Iseraele.