Sakaria 8:12 - Sesotho 1909/1961 (SO)

¹² Hobane peo ya kgotso e tla ba teng; morara o tla beha ditholwana tsa wona, lefatshe le behe dijo tsa lona, lehodimo le nee phoka ya lona, mme ntho tseo tsohle ke tla di nea masala a setjhaba sena, hore e be lefa la sona.

BIBELE

¹² “Tjhai e tla ba kgolo, morara o behe haholo, mobu o atlehise dijalo, mahodimo a nese pula e ngata. Ke tla sitsa masalla a setjhaba sena ka dintho tsena tsohle.

Sakaria 8:12 Referencias Cruzadas

Genese 26:12

Isaaka a lema naheng eo, a kotula ha lekgolo ka selemo seo; mme Jehova a mo fa lehlohonolo.

Genese 27:28

Modimo o ke o o fe phoka ya lehodimo le lefura la lefatshe, le nala ya koro le ya veine!

1 Marena 17:1

Yaba Elia wa Thishba, wa ba jakileng Gileade, o re ho Akabe: Ka Jehova, Modimo wa Iseraele, ya utlwang, eo ke emeng pela hae, ha ho ka ke ha lala phoka, leha e le ho na pula, ka dilemo tsena, haese ka polelo ya ka.

Dipesaleme 72:3

Dithaba di tla tlisetsa setjhaba kgotso, le wona maralla ka baka la ho loka ha hae.

Dipesaleme 85:12

Efela, Jehova o tla nea lehlohonolo, naha ya rona e ntshe ditholwana tsa yona.

Diproverbia 19:12

Kgalefo ya morena a jwaloka ho rora ha tau, empa lerato la hae le jwaloka phoka hodima jwang.

Isaia 30:23

Mohlang oo, o tla nesetsa dijalo tseo le tla di lema masimong, bohobe ba hlaku tse medisitsweng ke mobu e tla ba bo nonneng, bo kgorisang; mehleng eo, mehlape ya lona e tla fula makgulong a ahlamileng.

Isaia 61:7

Bakeng sa maswabi ao le bileng le wona, le tla sitswa habedi; bakeng sa nyatso, ba tla thabela kabelo ya bona; hobane ba tla abelwa habedi naheng ya bona, mme ba tla nne ba thabe ka ho sa feleng.

Jeremia 31:12

Ba tla tla, ba etse ditlatse tsa thabo diphahameng tsa Sione; ba tla mathela melemo ya Jehova, e leng koro, le veine, le ole, le tse tswetsweng ke dinku le ke dikgomo; meya ya bona e tla ba jwaloka serapa se noseditsweng, mme ha ba sa tla swaba.

Ezekiele 34:28

Ha ba sa tla rusollwa ke ditjhaba; dilalome tsa naha ha di sa tla ba ja, ba mpa ba tla aha ka boiketlo, ho se e mong ya ba tshosang.

Ezekiele 36:12

Ke tla tlisa batho ho lona, e leng ho re setjhaba sa ka sa Iseraele. Ba tla o rua, o tla ba lefa la bona, mme ha o sa tla ba tima bana.

Ezekiele 36:30

ke tla atisa ditholwana tsa difate, le se melang masimong, hore le se ke la hlola le jara sekgobo sa tlala hara ditjhaba.

Ezekiele 36:9

Bonang, ke fela ke ya tla ho lona, ke retelehele ho lona; le tla lengwa, le be le jalwe.

Hosea 13:3

Ka baka leo, ba tla ba jwaloka mohodi wa hosasa, le jwaloka phoko e tlohang kapele, jwaloka mooko o fefolang seotlong, le jwaloka mosi ha o fefolwa, o etswa ka lesoba le leifo.

Hosea 14:5

Ke tla ba jwaloka phoka ho Iseraele; o tla thunya jwaloka dipalesa, a mele metso jwaloka Lebanone.

Joele 2:19

Jehova a arabela setjhaba sa hae, a re: Bonang, ke se ke le romela koro le veine le ole, le tle le kgore ke tsona; ha ke sa tla le etsa ba hlomphollwang hara ditjhaba.

Joele 2:22

Se tshabeng, lona diphoofolo tsa naha, hobane makgulo a nahathothe a se a tla ba matala; sefate se tla beha ditholwana tsa sona, feiye le morara di hlahise monono wa tsona.

Levitike 26:3

Ekare ha le latela ditaelo tsa ka, mme le boloka melao ya ka, le ya ka yona,

Sofonia 3:13

Masala a Iseraele a ke ke a etsa bokgopo, a ke ke a bolela leshano, leleme la bohata le ke ke la fumanwa melomong ya bona; ba tla fula, ba ye ba bothe, ho se ya ba tshosang!

Haggai 1:10

Ke ka baka leo, lehodimo le hanneng le phoka hodima lona, mme lefatshe le hanneng le ho beha ha lona,

Haggai 2:18

Lemohang he pelong tsa lona; ho tloha tsatsing lena, ho kgutlela morao, ho tloha tsatsing la mashome a mabedi a metso e mene la kgwedi ya boroba mono o le mong, ho isa tsatsing lela leo ntlo ya Jehova e neng e thewe ka lona, batlisisang ditaba pelong tsa lona.

Haggai 2:19

Na peo e sa le teng modikong? Esita morara, le feiye, le garanata, le mohlwaare, ha di a ka tsa beha ... Empa ho tloha tsatsing lena, ke tla le hlohonolofatsa.

Sakaria 8:6

Ho itswe ke Jehova wa makgotla: Leha taba eo e ka ba thata mahlong a masala a setjhaba sena, matsatsing ao, na le mahlong a ka e ka ba thata, ho botsa Jehova wa makgotla?

Malakia 3:11

Ke tla le kgalemella sesedi, se tle se se ke sa le senyetsa dijo tsa lefatshe, mme morara o ke ke wa le phutsetsa naheng, ho bolela Jehova wa makgotla.

Mattheu 6:33

Le mpe le batle mmuso wa Modimo le ho loka ha wona pele; mme dintho tseo tsohle le tla di ekeletswa.

1 Bakorinthe 3:21

Ha ho le jwalo, motho a se ke a ithorisa ka batho; hobane tsohle ke tsa lona,

Deuteronoma 32:2

Thuto ya ka e tla rotha jwaloka pula; dipolelo tsa ka di tla qhitsa jwaloka phoka, di be jwaloka pula e tshesane e kolobisang jwang bo botjha, le jwaloka marothodi a nelang jwang.

Deuteronoma 33:13

Haele bakeng sa Josefa, a re: Naha ya hae e tla hlohonolofatswa ke Jehova ka tse molemo haholo tsa mahodimo, ka phoka le ka tsa bodiba bo leng tlasa lehodimo;

Deuteronoma 33:28

Iseraele o tla aha ka tshepo a nnotshi; sediba sa Jakobo se kolla naheng ya koro le ya veine e ntjha, mme mahodimo a Jakobo a qhitsa phoka.

Jakobo 3:18

Mme tholwana tsa ho loka di jallwa kgotsong ho ba etsang kgotso.