Numere 23:7 - Sesotho 1909/1961 (SO)

⁷ Yaba Balaame o porofeta, a re: Balake o ntheositse Arame; morena wa Moabe o ntheositse dithabeng tsa botjhabela, ka ho re: Tloo, o nthohakele Jakobo! Tloo, o halefele Iseraele!

BIBELE

⁷ Bileame a porofeta, a re: “Balake, kgosi ya Moabe, e tswang thabeng tsa botjhabela, o ntlisitse kwano ke etswa Arame. ‘Tloo o nthohakele Jakobo! Tloo o halefele Baiseraele.’

Numere 23:7 Referencias Cruzadas

Genese 10:22

Bara ba Sema ke Elame, le Assure, le Arpaksade, le Lude, le Arame.

Genese 28:2

Tloha, o ye Paddan-Arame, tlung ya Bethuele, ntatao moholo, o inkele mosadi teng wa baradi ba Labane, malomao.

Genese 28:7

mme Jakobo a utlwile ntatae le mmae, a ile Paddan-Arame;

2 Samuele 21:21

A nyedisa Iseraele; Jonathane, mora Shimei ngwanabo Davida, a mpa a mmolaya.

2 Samuele 23:9

Ya mo hlahlamang ke Eleasare, mora Dodai, wa Akoke; ke e mong wa dinatla tse tharo tsa pele, tse nnileng tsa ya le Davida, li sa tshabe Bafilesta mohla ba phuthehileng ka ntwa, banna ba Iseraele ha ba balehetse maralleng.

Jobo 27:1

Jobo a boela a isa polelo ya bohlale ya hae, a re:

Jobo 29:1

Jobo a eketsa a isa polelo ya bohlale ya hae, a re:

Dipesaleme 49:5

Nka tshaba eng ka letsatsi le lebe, ha ke teetswe hare ke bolotsana jwa ba ntjhehelang,

Dipesaleme 78:2

Ke ahlamisa molomo wa ka ho hlahisa dipolelo tsa dikelello le ho bolela dithuto tsa kgale.

Diproverbia 26:2

Jwaloka nonyana ha e fofafofela mona le mane, le lefokotsane ha le okaokela feela, ho jwalo thohako ya lefeela, ha e sebetse letho.

Ezekiele 17:2

Mora motho, lotha ntlo ya Iseraele, o e tshwantshetse,

Ezekiele 20:49

Yaba ke re: Jo! Morena Jehova! Ba mpolella ka ho re: Eo o ntsa bua ka dipapiso!

Mikea 2:4

Ka tsatsi leo, ho tla etswa pina ya sesomo hodima lona, ho binwe le pina ya mahlomola e reng: Ho fedile! Re sentswe, re sentswe ruri. Jehova o nea ba bang lefa la setjhaba sa heso! O nkamoha lona jwang? O arolela bahedene masimo a rona!

Habakuke 2:6

ditjhaba tseo kaofela na di ke ke tsa etsa papiso hodima hae, le pina ya sesomo, le dilotho na? Mme ho tla thwe: Ho madimabe ya ipokellelang seo e seng sa hae, ... o tla nne a etse jwalo ho le hokae? ... ya ipelesang ka tse amohilweng!

Numere 22:11

Bona, setjhaba se tswile Egepeta, mme se apesitse lefatshe; tloo jwale, o se rohake; ekaba mohlomong ke tla se hlola, ke se lelekise.

Numere 22:17

hobane ke tla o hlompha haholo, mme ke tla etsa tsohle tseo o tla mpolella tsona; ke a o rapela, tloo o nthohakele setjhaba seo.

Numere 23:18

Balake a mmotsa, a re: Jehova o itseng?

Numere 23:6

Yaba o kgutlela ho yena; a fihlela Balake a eme pela setjheso sa hae, a ena le matona wohle a Moabe.

Numere 24:15

Balaame a porofeta, a re: Lentswe la Balaame, mora Beore; lentswe la monna ya leihlo le tutubolohileng, lentswe la ya utlwang mantswe a Modimo,

Numere 24:21

Balaame a bona le Bakene, a porofeta, a re: Moaho wa hao o thata, mme sehlaha sa hao o se beile lefikeng.

Numere 24:23

Balaame a porofeta hape, a re: Jo! ke mang ya tla phela, ha Modimo o se o entse hoo?

Numere 24:3

A porofeta, a re: Lentswe le Balaame, mora Beore, lentswe la monna ya nang le leihlo le tutubolohileng, lentswe la ya utlwang mantswe a Modimo,

Mattheu 13:33

A ba bolella setshwantsho se seng, a re: Mmuso wa mahodimo o tshwana le ditomoso tseo mosadi a di nkileng, a di kenya phofong e tekanyo tse tharo, hlama e tle e kokomohe kaofela.

Mattheu 13:35

hore ho etsahale polelo ya moporofeta, ya itseng: Ke tla ahlamisa molomo wa ka ka ditshwantsho, ke pepese ditaba tse neng di patilwe haesale lefatshe le thewa.

Mareka 12:12

Jwale ba rata ho mo tshwara, empa ba tshaba bongata; hobane ba ne ba tseba hore o lekantse bona ka setshwantsho seo. Ba mpa ba mo tlohela, ba ikela.

Deuteronoma 23:4

kahobane ha ba ka ba tla le kgahlanyetsa tseleng ka bohobe le ka metsi, mohla le tswang Egepeta; le kahobane ba ne ba putse Balaame, mora Peore, wa Pethore naheng ya Mesopotamia, hore a o rohake.

1 Samuele 17:10

Mofilesta a eketsa, a re: Kajeno, ke nyedisa makgotla a Iseraele; nneeng monna, re lwane le yena.

1 Samuele 17:36

Tau le yona bere, mohlanka wa hao o di bolaile; mme Mofilesta eo wa leqai o se a ya ba jwaloka tsona, hobane o nyedisitse makgotla a Modimo o utlwang.

1 Samuele 17:45

Davida a re ho Mofilesta: O tlile ho nna ka sabole le ka lerumo le ka tsenene; nna, ke tla ho wena ka lebitso la Jehova wa makgotla, Modimo wa makgotla a Iseraele, eo o mo nyedisitseng.