Nehemia 11:30 - Sesotho 1909/1961 (SO)

³⁰ le Sanowa, le Adullame le metseng ya teng, le Lakishe le masimong a teng le Aseka le metseng ya teng. Ba hloma ditente tsa bona ho tloha Beerseba, ho isa kgohlong ya Hinnome.

BIBELE

³⁰ le Sanowa, le Adulame le metsaneng ya yona, le Lakishe le mathokong a yona, le Aseka le metsaneng ya yona. Ba ne ba ahile ho tloha Beeresheba, ho ya fihla kgohlong ya Honome.

Nehemia 11:30 Referencias Cruzadas

Genese 21:14

Yaba Abrahama o tsoha ka meso, a nka bohobe le sehwana sa metsi, a di nea Agare, a mo jarisa tsona lehetleng, a mo nea le ngwana, mme a mo fa tsela. A tloha a ya phaila lefeelleng la Beerseba.

Genese 25:16

Ke bona bao bara ba Ishmaele, ke ao mabitso a bona ka metse ya bona, le ka meaho ya bona, mahosana a leshome le metso e mmedi a ditjhaba tsa wona.

2 Marena 23:10

Hape, a silafatsa Tofethe, sekgutlong sa bana ba Hinnome, hore ho se ka ha hlola ho eba motho ya tjhesang mora hae leha e le moradi wa hae, ho mo kgethela Moloke.

Nehemia 11:29

le Ene-Rimmone, le Tsorea, le Jarmuthe;

Nehemia 11:31

Haele bana ba Benjamine, ba aha ho tloha Geba, le Mikmashe, le Aija, le Bethele le metseng ya teng,

Nehemia 3:13

Monyako wa Sekgutlo wona wa lokiswa ke Hanune le ba ahileng Sanowa; ba o haha, mme ba kenya mamati a wona le dinotlolo le makwallo; ba etsa ditswe tse sekete tsa lerako, ho ya fihla monyakong wa Moitedi.

Isaia 37:8

Rabshake a kgutla, a fihlela morena wa Assiria a lwantsha Libna, hobane o ne a utlwile hoba o tlohile Lakishe.

Jeremia 19:2

o tswele kgohlong ya mora Hinnome e pela monyako wa Mangeta, o bolele teng mantswe ao ke tla o bolella wona;

Jeremia 19:6

ka baka leo, bonang, ho bolela Jehova, ho ya tla matsatsi ao ba sa tlo ka ba bitsa nqalo ena Tofethe ka wona, leha e le kgohlo ya mora Hinnome, ba mpa ba tla e bitsa kgohlo ya polao.

Jeremia 32:35

Ba hahetse Baale dinqalo tse diphahameng, kgohlong ya mora Hinnome, ba tle ba tjhesetse Moloke bara ba bona le baradi ba bona teng; e leng seo ke sa kang ka ba laela sona, mme ha se a ka sa hlaha pelong ya ka, hore ba nne ba etse manyala a jwalo ho sitisa Juda.

Mikea 1:15

Ke tla boela ke tlise ya jang lefa la hao, wena moahi wa Maresha (motse wa lefa); bao e leng kganya ya Iseraele ba tla balehela Adullame.

Joshua 10:3

Adoni-Tsedeke, morena wa Jerusalema, a romela ho Hohame, morena wa Hebrone, le ho Pireame, morena wa Jarmuthe, le ho Jafia, morena wa Lakishe, le ho Debire, morena wa Eglone, a re:

Joshua 12:15

e mong ke morena wa Libna; e mong, ke morena wa Adullame;

Joshua 15:39

Lakishe, Botskathe, le Eglone;

Joshua 15:8

Moedi o ntoo nyolosa ka kgohlo ya mora Hinnome, e nqa borwa ho Jebuse, e leng Jerusalema; moedi o ntoo nyolosetsa qhoweng ya thaba e mabapa le kgohlo ya Hinnome, nqa bophirimela, ho felleng ha kgohlo ya Refaime, nqa leboya.

Joshua 18:16

Moedi o ntoo theosetsa nkong ya thaba e pela kgohlo ya mora Hinnome e sekgutlong sa Barefaime, nqa leboya; o boela o theosa kgohlo ya Hinnome mabapa le Bajebuse, nqa borwa: jwale, o theosetsa Ene-Rogele.