Nahume 1:1 - Sesotho 1909/1961 (SO)

¹ Tshenolo bakeng sa Ninive. Buka ya pono ya Nahume wa Elkoshe.

BIBELE

¹ Ona ke molaetsa o buang ka Ninife. Ke buka ya pono eo Nahume wa Elekoshi a neng a e bontshwe.

Nahume 1:1 Referencias Cruzadas

Genese 10:11

Ha tswa fatsheng leo Assure, mme a haha Ninive, le motse wa Rehobothe, le Kala,

2 Marena 19:36

Jwale Sankeribe, morena wa Assiria, a tloha, a ikela, a kgutlela hae, a ya dula Ninive.

Isaia 10:5

Ho madimabe Assiria, thupa ya bohale ba ka, leha ke beile molamu wa kgalefo ya ka matsohong a hae!

Isaia 13:1

Boporofeta hodima Babilona, bo senoletsweng Esaia, mora Amotse:

Isaia 14:28

Ka selemo seo Akase a shweleng ka sona, ha bolelwa boporofeta bona, ha thwe:

Isaia 15:1

Boporofeta hodima Moabe: Are-Moabe o patetswe bosiu; o fedile;

Isaia 19:1

Boporofeta hodima Egepeta: Bonang! Jehova o kaletse leru le bobebe, o lebile Egepeta; medimo ya Egepeta e thothomela pela hae, mme dipelo tsa Baegepeta di tepella ka ho bona.

Isaia 21:1

Boporofeta hodima lehwatata la lewatle: O a tla jwaloka sefefo se tsohang ka nqa borwa, o tswa lefeelleng, lefatsheng le tshabehang.

Isaia 22:1

Boporofeta hodima sekgutlo sa dipono: Taba ke dife, ha batho ba hao kaofela ba hlweletse hodima matlo,

Isaia 23:1

Boporofeta hodima Tire: Bokollang, lona dikepe tsa Tarshishe, hobane o senyehile; matlo ha a sa le yo, ha ho sa le moo ho kenwang teng; ba utlwile taba eo e etswa naheng ya Kittime.

Jeremia 28:8

Ba porofeta ba bileng teng pele ho nna le pele ho wena, mehleng ya kgale, ba nnile ba porofeta bakeng sa mafatshe a mangata le sa mebuso e meholo hore ntwa le tlala le lefu la sewa di tla ba teng.

Jonase 1:2

Tloha, o ye Ninive, motseng o moholo, o o hlabele mokgosi, etswe bokgopo ba wona bo nyolohetse ho nna.

Nahume 2:8

Ninive, haesale a hlaha, o ne a le jwaloka letsha la metsi a mangata. Jwale, howa balehuwa! Emang, emang! ... empa ha ho ya retelehang!

Habakuke 1:1

Ke ena tshenolo e senolotsweng moporofeta Habakuke:

Sofonia 2:13

Hape, Jehova o tla otlollela letsoho la hae ka nqa leboya, a timeletse Assiria, a fetole Ninive nahathothe le sebataolo se jwaloka lefeella!

Sakaria 9:1

Ke bona boporofeta ba boletsweng ke Jehova hodima lefatshe la Hadrake, mme bo tla dula hodima Damaseka, — hobane Jehova o qamaka batho bohle, jwalokaha a qamaka meloko yohle ya Iseraele;

Malakia 1:1

Ke bona boporofeta ba lentswe la Jehova le rometsweng Iseraele ka Malakia: