Moeklesia 8:4 - Sesotho 1909/1961 (SO)

⁴ etswe lentswe la morena le le matla, mme ke mang ya tla re ho yena: O etsang?

BIBELE

⁴ Kaha lentswe la kgosi le ena le matla, ke mang ya ka reng ho yona: “Jwale o etsang?”

Moeklesia 8:4 Referencias Cruzadas

2 Samuele 24:4

Leha ho le jwalo, taelo ya morena ya hlola Joabe le balaodi ba bang ba makgotla, mme Joabe le balaodi ba bang ba makgotla ba tloha ho morena ho ya bala setjhaba sa Iseraele.

1 Marena 1:30

kajeno ke tla etsa kamoo ke o hlapanyeditseng kateng ka Jehova, Modimo wa Iseraele, ka re: Kannete, Salomone mora hao e tla ba morena kamora ka, a dule teroneng ya ka tulong tsa ka.

1 Marena 2:25

Yaba morena Salomone o roma Benaia, mora Jehojada; eo a mmolaya, mme a shwa.

1 Marena 2:46

Yaba morena o laela Benaia, mora Jehojada; a ya, a bolaya Shimei, a shwa.

Esdrase 6:13

Yaba Thathnai, mmusisi wa naha e mose o kwano ho noka, ba ena le Shethare-Bosnai le balekane ba bona, ha ba bona tse rometsweng ke morena Dariuse, ba phakisa ba etsa ka tsona.

Jobo 9:12

Bona, o ntshwere: o ka thibelwa ke mang? Ke mang ya tla re ho wona: O etsang?

Eksoda 1:18

Yaba morena wa Egepeta o bitsa babelehisi, a re ho bona: Ke ka baka lang ha le entse taba ena, le tlohetse bana ba batona hore ba phele?

Diproverbia 19:12

Kgalefo ya morena a jwaloka ho rora ha tau, empa lerato la hae le jwaloka phoka hodima jwang.

Diproverbia 20:2

Bohale ba morena bo tshabeha jwaloka tau ha e puruma; ya mo halefisang o itshitelwa moya wa hae.

Diproverbia 30:31

ke pere e lokiseditsweng ntwa, le moribi, leha e le morena ha a tsamaya pela makgotla a hae.

Daniele 3:15

Jwale he, ka nako eo le utlwang modumo wa terompeta, le phala, le harepa, le sambuke, le pesalterione, le simfonia, le diletsa kaofela, ha le kgumama, le rapela setshwantsho seo ke se entseng, ke hantle; empa ha le sa kgumame, le tla akgelwa hanghang seboping sa mollo o bohale; mme modimo ke ofe o tlang ho le lokolla letsohong la ka?

Daniele 4:35

Baahi bohle ba lefatshe ba jwaloka lefeela pela hae, o etsa ka makgotla a lehodimo le ka baahi ba lefatshe kamoo a ratang kateng, ha ho e mong ya ka thibelang letsoho la hae, a re ho yena: O etsang na?

Baroma 9:20

Empa wena motho, o mang ha o tsekisa Modimo? Na ntho e bopilweng e ka re ho ya e bopileng: O ne o nketsetsang jwalo na?