Mareka 10:19 - Sesotho 1909/1961 (SO)

¹⁹ O tseba melao e reng: O se ke wa feba, o se ke wa bolaya, o se ke wa utswa, o se ke wa bea bopaki ba bohata, o se ke wa ja tsa e mong, hlonepha ntatao le mmao.

BIBELE

¹⁹ O tseba melao e reng: ‘O se ke wa bolaya, o se ke wa feba, o se ke wa utswa, o se ke wa etseletsa motho e mong, o se ke wa qhekanyetsa, hlompha ntatao le mmao.’ ”

Baasraak Sotho NT

¹⁹ O tseba melao e reng: O se ke wa feba, o se ke wa bolaya, o se ke wa utswa, o se ke wa bea bopaki ba leshano, o se ke wa etsa bolotsana, hlonepha ntatao le mmao.

Contemporary Southern Sotho Bible 2024

¹⁹ O tseba melao e reng: O se ke wa feba, o se ke wa bolaya, o se ke wa utswa, o se ke wa bea bopaki ba leshano, o se ke wa etsa bolotsana, hlonepha ntatao le mmao.

Mareka 10:19 Referencias Cruzadas

Isaia 8:20

Eyang molaong le bopaking; ekareha ho sa uwe ka lentswe lena, etlaba setjhaba ha se sa tla tjhabelwa ke tsatsi le leng.

Mareka 10:18

Jesu a re ho yena: O mpiletsang ya molemo? Ha ho ya molemo haese a le mong, e leng Modimo.

Luka 18:20

O tseba melao e reng: O se ke wa feba; o se ke wa bolaya; o se ke wa utswa; o se ke wa bea bopaki ba bohata; hlonepha ntatao le mmao.

Baroma 13:9

Hobane melao e reng: O se ke wa feba, o se ke wa bolaya, o se ke wa utswa, o se ke wa bea bopaki ba bohata, o se ke wa lakatsa ntho ya e mong, leha e le melao efe le efe e sa leng teng, e akareditswe ke polelo ena e reng: Rata wa heno, jwalokaha o ithata.

Baroma 3:20

Ka baka leo, ha ho nama, leha e le nngwe, e tlang ho bewa e lokileng pela wona ke mesebetsi ya molao; hobane ke ka molao re nang le tsebo ya sebe.

Bagalata 4:21

Mpolelleng, lona ba ratang ho ba tlasa molao, hleka ha le utlwe molao na?

Bagalata 5:14

Hobane molao wohle o phethahetse tabeng e le nngwe, e reng: Rata wa heno jwalokaha o ithata.

1 BaThesalonika 4:6

Hape, motho a se ke a hata ngwanabo, leha e le ho mo senyetsa tabeng leha e le nngwe; hobane Morena ke mophethetsi wa ntho tsohle tse jwalo, jwalokaha re se re kile ra le bolella pele ka komelo e tiileng.

Jakobo 2:11

Hobane ya itseng: O se ke wa feba, le hona o itse: O se ke wa bolaya. Jwale, leha o sa febe, o mpa o bolaya, o se o le motlodi wa molao.