Luka 18:24 - Sesotho 1909/1961 (SO)

²⁴ Eitse ha Jesu a bona hobane o swabile haholo, a re: Ho thata hakakang ho ba nang le maruo ho kena mmusong wa Modimo!

BIBELE

²⁴ Eitse ha Jesu a bona hore o swabile haholo, a re: “Ho thata hakaakang ho barui ho kena Mmusong wa Modimo!

Baasraak Sotho NT

²⁴ Jesu ha a mmona hobane o swabile haholo, a re: Ho tla ba thata hakakang ho ba nang le maruo ho kena mmusong wa Modimo!

Contemporary Southern Sotho Bible 2024

²⁴ Jesu ha a mmona hobane o swabile haholo, a re: Ho tla ba thata hakakang ho ba nang le maruo ho kena mmusong wa Modimo!

Luka 18:24 Referencias Cruzadas

Dipesaleme 10:3

hobane molotsana o ithorisa ka takatso ya pelo ya hae, mme leshodu le rohaka, le nyedisa Jehova.

Diproverbia 11:28

Ya itshepisang maruo a hae o tla wa, empa ya lokileng o tla hola jwaloka lekala le mahlaku.

Diproverbia 18:11

Leruo la morui ho yena ke qhobosheane, mahlong a hae ke lerako la setshabelo.

Diproverbia 30:9

esere mohlomong ha ke kgotshe, ka o latola, ka re: Jehova ke mang na? mohlomong ha ke fumanehile, ka utswa, mme ke tlaela ka lebitso la Modimo wa ka.

Jeremia 2:31

A lona ba mofuta! mamelang lentswe la Jehova: Na nkile ka ba naha e tshehla ho Iseraele, kapa naha ya lefifi le letsho na? Setjhaba sa ka se bolela jwang, ha se re: Re tla nne re mathela mane le mane; ha re sa tla kgutlela ho wena?

Jeremia 5:5

Ke tla ya ho ba baholo, ke bue le bona, hobane bona ba tseba tsela ya Jehova le molao wa Modimo wa bona. Empa le bona kaofela ba robile joko, ba lokolotse ditlamo.

Mareka 6:26

Morena a swaba haholo, a mpa a tshaba ho hana ho yena ka baka la kano ya hae le la ba dutseng dijong le yena.

Luka 18:23

Empa eo, hoba a utlwe taba tseo, a swaba haholo; hobane a ne a ruile haholo.