Jobo 3:10 - Sesotho 1909/1961 (SO)

¹⁰ Hobane ha bo a ka ba kwala popelo eo ke tswileng ho yona, ha bo a ka ba pata ho hlomoha mahlong a ka!

BIBELE

¹⁰ hobane ha bo a ka ba kwala mme popelo, ha bo a ka ba nthibela ho bona maswabi.”

Jobo 3:10 Referencias Cruzadas

Genese 20:18

Hobane Jehova o ne a hlile a nyopisitse dipopelo tsohle tsa ba ntlo ya Abimeleke ka baka la Sara, mohatsa Abrahama.

Genese 29:31

Jehova a bona hoba Lea o hloilwe, mme a mo thibolla popelo: empa Ragele ya eba nyopa.

Jobo 10:1

Pelo ya ka e kgobohelwa ke bophelo ba ka; ha ho le jwalo, e ka kgona ke neele ho dumaduma ha ka sebaka, ke bolele bohloko ba moya wa ka.

Jobo 23:2

Le kajeno ho dumaduma ha ka ho sa tletse boikgantsho! Letsoho le dutseng hodima ka le pupetsa mefehelo ya ka.

Jobo 3:11

Ke ne ke sa shwe keng mpeng ya mme, kapa ke ne ke sa timele keng ke sa tswa popelong?

Jobo 3:9

A dinaledi tsa mafube a jona di fifale! A bo hlolohelwe lesedi, mme le se ke la hlaha, bo se ke ba bona dintshi tsa mafube a meso!

Moeklesia 11:10

leha ho le jwalo, o nne o tsebe hoba Modimo o tla o ahlola ka tseo tsohle. Suthisa maswabi pela pelo ya hao, o bee bolotsana hole le mmele wa hao; hobane bongwana le botjha ke lefeela!

Jeremia 20:17

Ha a ka a mpolaya keng, ke sa le popelong, hore mme e tle e be lebitla la ka, mpa ya hae e be e emereng e sa tswale le ka ho sa feleng?

1 Samuele 1:5

empa o ne a nea Anna seabo sa batho ba babedi, hobane o ne a rata Anna, leha Jehova a ne a mmeile nyopa.