Jobo 14:10 - Sesotho 1909/1961 (SO)

¹⁰ Empa motho ha a eshwa, o fedile matla; ere ha ya shwang a neela moya, eba o kae na?

BIBELE

¹⁰ Empa motho yena o a shwa, a fellwe ke matla, a neele moya, ebe jwale o kae?

Jobo 14:10 Referencias Cruzadas

Genese 49:33

Eitse ha Jakobo a qetile ho laela bara ba hae, a busetsa maoto a hae diphateng, a neela moya, a orohela setjhabeng sa habo.

1 Dikronike 29:15

Re basele pela hao, re bajaki jwaloka bontata rona kaofela; ditshiu tsa rona lefatsheng e ka moriti; mme ho dula ha ho yo.

Jobo 10:18

Jo! Na o nntsheditseng popelong ya mme? Nka be ke shwele teng, ke se ke ka bonwa ke leihlo la motho;

Jobo 11:20

Empa mahlo a ba bolotsana a tingwa, ba hloka setshabelo; tshepo e ba saletseng ke ho neela moya.

Jobo 13:9

Na le ka rata hore o le botsisise hohle na? Kapa le ka o thetsa jwalokaha ho thetswa batho na?

Jobo 14:12

motho le yena o ye a robale, mme ha a sa tsoha; ho fihlela lehodimo le eba siyo, ho ke ke ha tsohuwa ke motho, a ke ke a phaphama borokong ba hae.

Jobo 14:9

ha se utlwa metsi se tla tsoha, se hlomele, se medise makala jwaloka setlama se setjha.

Jobo 19:26

Mme leha letlalo la ka le senyehile, ke tla bona Modimo ke se ke se nameng.

Jobo 20:7

leha ho le jwalo, o tla fela jwaloka lethete la hae, ka ho sa feleng; ba mmoneng ba tla re: O kae?

Jobo 3:11

Ke ne ke sa shwe keng mpeng ya mme, kapa ke ne ke sa timele keng ke sa tswa popelong?

Jobo 3:13

Hobane jwale, nka be ke rapaletse ke ikgutseditse, nka be ke robetse, mme ka phomola le nna,

Jobo 7:21

Ha o ntshwarele tshito ya ka keng, wa tlosa bokgopo ba ka na? Hobane ke se ke ya robala leroleng; o tla mpatla, mme ke tla ba siyo.

Diproverbia 14:32

Moetsadibe o kgoholwa ke bobe ba hae; empa motho ya lokileng o na le tshepo le lefung.

Moeklesia 3:20

Tsohle di ikela nqalong e le nngwe; tsohle di tswa leroleng, mme tsohle di kgutlela leroleng.

Moeklesia 3:21

Ke mang ya tsebang haeba moya wa bana ba batho o nyolohela hodimo, kapa ha moya wa phoofolo o theohela tlase lefatsheng?

Mattheu 27:50

Empa Jesu a boela a meketsa ka lentswe le leholo, mme a neela moya.

Diketso 5:10

Yaba o se a wela maotong a hae, a eshwa. Bahlankana, eitse ha ba kena, ba mo fumana a se a shwele, mme ba ya mo epela ho monna wa hae.