Jeremia 41:2 - Sesotho 1909/1961 (SO)

² Yaba Ishmaele, mora Nethania, le batho ba leshome bao a nang le bona, ba ema, ba hlaba Gedalia, mora Akikame, mora Shafane, ka lerumo, ba mmolaya, e le eo morena wa Babilona a neng a mmeile ho disa naha;

BIBELE

² Ishemaele, mora wa Netaniya, le banna ba leshome, bao a neng a ena le bona ba raoha, ba hlatha Gedaleya, mora wa Ahikama, setloholo sa Shafane, ka sabole, ba bolaya ya neng a kgethilwe ke kgosi ya Babilona hore e be mmusi wa naha eo.

Jeremia 41:2 Referencias Cruzadas

2 Samuele 3:27

Abnere, ha a boetse Hebrone, Joabe a mo nkela thoko, kgorong, jwaloka eka o ya bua le yena sephiring, a mpa a mo hlaba mpeng, mme a shwa, e le ka baka la madi a Asaele moenae.

2 Marena 25:25

Leha ho le jwalo, ka kgwedi ya bosupa, Ishmaele, mora Nethania, mora Elishama, wa mofuta wa borena, a tla le banna ba leshome, a bolaya Gedalia, a shwa; a bolaya le Bajuda le Bakalde ba nang le yena Mitspe.

Dipesaleme 109:5

Ba ntefela botle ka bobe, le lerato ka hloyo.

Dipesaleme 41:9

Esita le monna ya kgotsitseng ho nna, eo ke neng ke mo tshepile, ya neng a eja bohobe ba ka, o nthahile ka serethe.

Jeremia 40:14

ba re ho yena: Ha re re, o a tseba hobane Baalise, morena wa bana ba Ammone, o romile Ishmaele, mora Nethania, ho o bolaya na? Empa Gedalia, mora Akikame, ha a ka a dumela.

Jeremia 40:16

Empa Gedalia, mora Akikame, a araba Johanane, mora Karea, a re: O se ke wa etsa hoo, hobane o etselletsa Ishmaele.

Jeremia 40:5

A sa diehile ho araba, eo a re: Hlo o kgutlele ho Gedalia, mora Akikame, mora Shafane, eo morena wa Babilona a mmeileng ho disa metse ya Juda, o ikahele le yena hara setjhaba, kapa hohle moo ho ka bang hotle ho wena ho ya teng, o ka ya. Yaba molaodi wa balebedi o mo nea mofaho le dimpho, mme a mo fa tsela.

Jeremia 40:7

Balaodi kaofela ba makgotla a leng naheng, ba ena le batho ba bona, eitse ha ba utlwa hobane morena wa Babilona o beile Gedalia, mora Akikame, ho disa lefatshe, le hobane o beile matleng a hae banna, le basadi, le bana, le ba banyenyane ba lefatshe, ba neng ba sa ka ba iswa kgolehong, Babilona;

Jeremia 40:8

ba tla ho Gedalia, Mitspe, e le Ishmaele, mora Nethania, le Johanane, le Jonathane, bara ba Karea, le Seraia, mora Thanhumethe, le bara ba Efai, wa Nethofa, le Jesania, mora Momaakate, ba ena le batho ba bona.

Jeremia 41:3

le bona Bajuda kaofela ba neng ba le teng ho Gedalia, Mitspe, le Bakalde ba neng ba le teng, e le bahlabani, Ishmaele a ba bolaya.

Johanne 13:18

Ha ke bue ka lona kaofela; ke tseba bao ke ba kgethileng, empa ke hore Lengolo le tle le etsahale, le reng: Ya jang bohobe le nna o nthahile ka serethe sa hae.