Jakobo 1:22 - Sesotho 1909/1961 (SO)

²² Le be baetsi ba lentswe, e seng bautlwi feela ba ithetsang.

BIBELE

²² Le be baphethi ba lentswe leo, e seng bautlwi feela, ba ithetsang ka bobona.

Baasraak Sotho NT

²² Empa le be baphethi ba lentswe, e seng bautloi feela, le ntse le ithetsa.

Contemporary Southern Sotho Bible 2024

²² Empa le be baphethi ba lentswe, e seng bautloi feela, le ntse le ithetsa.

Jakobo 1:22 Referencias Cruzadas

Isaia 44:20

O iphepa ka melora, pelo e thetsehileng ya hae e mo kgelositse; a ke ke a boloka moya wa hae, ha a tsebe ho re: Seo ke se nkileng letsohong na hase leshano?

Jeremia 11:6

Jehova a re ho nna: O ke o tumise mantswe ana kaofela metseng ya Juda le diterateng tsa Jerusalema, o re: Mamelang mantswe a selekane sena, le nne le a etse.

Obadia 1:3

Boikgohomoso ba pelo ya hao bo o thetsitse, wena ya ahileng mafarung a mafika, tlung ya hao e phahameng, o reng ka pelong ya hao: Ke mang ya tla ntihela fatshe?

Mattheu 12:50

Hobane e mong le e mong ya tla etsa thato ya Ntate ya mahodimong, ke yena e leng ngwaneso, le kgaitsedi ya ka le mmè.

Mattheu 28:20

mme le ba rute ho boloka tsohle tseo ke le laetseng tsona. Mme bonang, nna, ke na le lona kamehla yohle, ho isa bofelong ba lefatshe.

Luka 11:28

A mpa a re: E, empa haholo ho lehlohonolo ba utlwang lentswe la Modimo, mme ba le boloka.

Johanne 13:17

Ekare ha le tseba taba tseo, le lehlohonolo ha le di etsa.

Baroma 2:13

Hobane ba utlwang molao, hase bona ba lokileng pela Modimo, empa ba phethang molao ke bona ba tla bewa ba lokileng;

1 Bakorinthe 15:33

Le se ke la lahleha: ditlwaelano tse mpe di bodisa mekgwa e metle.

1 Bakorinthe 3:18

Motho a se ke a ithetsa; ekare ha e mong hara lona a itekanya hoba o bohlale lefatsheng lena, a ke a fetohe lehlanya, hore a tle a fetohe ya bohlale.

1 Bakorinthe 6:9

Ana ha le tsebe hoba bakgopo ha ba ka ke ba rua lefa la mmuso wa Modimo na?

Bagalata 6:3

Hobane ekare ha e mong a itekanya hore ke letho, athe hase eng, o ithetsa e le yena.

Bagalata 6:7

Le se ke la thetswa, Modimo ha o songwe; hobane seo motho a se jalang, o tla se kotula le hona.

BaFilipi 4:8

Haele ka ho hong, banabeso, tsohle tseo e leng tsa nnete, tsohle tse hlomphehang, tsohle tse lokileng, tsohle tse hlwekileng, tsohle tse ratehang, tsohle tse botumo bo botle, tsohle tseo bokgabane bo bong le poko e nngwe e leng teng ho tsona, le ke le hopole tsona.

BaKolose 3:17

Mme seo le se etsang, leha e ka ba eng le eng, ka ho bua, kapa ka ho sebetsa, le etse tsohle ka lebitso la Morena Jesu, le ntse le leboha ka yena Modimo Ntate.

2 Timothea 3:13

Empa batho ba lonya, ba thetsang, ba ya nne ba tswele pele tshenyong, ba ntse ba thetsa, ba ntse ba thetswa.

Tite 3:3

Hobane le rona kgale re ne re le dithoto, re le ba hanang ho utlwa, ba lahlehileng, ba buswang ke ditakatso le ke dikgahliso tse ngata, ba phelang lonyeng le mohonong, ba tshwanetseng ho hlouwa, ba hloyanang.

Jakobo 1:26

Ekare ha e mong hara lona a lekanya hoba o na le borapedi, mme a sa tlame leleme la hae, a mpa a ithetsa pelo, borapedi ba motho eo ke ba lefeela.

Jakobo 4:11

Le se ke la sebana, banabeso. Ya sebang ngwanabo, kapa ya ahlolang ngwanabo, o seba molao, o ahlola molao; mme ha o ahlola molao, ha o moetsi wa molao, empa o le moahlodi wa wona.

Jakobo 4:17

Efela ya tsebang ho etsa botle, mme a sa bo etse, yena o etsa sebe.

2 Petrose 2:13

Seo e leng monyaka ho bona ke ho phela ka bohlola ka matsatsi wohle; ke matheba le ditshila hara lona; ba ithabela dithetsong tsa bona, ha ba ntse ba eja le lona.

1 Johanne 1:8

Ha re re, ha re na sebe, re a ithetsa, mme nnete ha e yo ho rona.

1 Johanne 2:3

Moo re lemohang hoba re tseba Modimo ke ha re boloka ditaelo tsa wona.

1 Johanne 3:7

Bana, le se ke la thetswa ke motho: Ya etsang ho lokileng o lokile, jwalokaha le yena a lokile;

3 Johanne 1:11

Moratuwa, o se ke wa etsisa bobe, o mpe o etsise botle. Ya etsang hantle o tswa ho Modima; empa ya etsang hampe ha a ka a bona Modimo.

Tshenolo 12:9

Mme drakone e kgolo, e leng noha ya kgale, e bitswang Diabolose le Satane, e thetsang lefatshe kaofela, ya dihelwa; ya lahlelwa ntle, ya dihelwa lefatsheng, le mangeloi a yona.

Tshenolo 22:7

Bona, ke se ke etla kapele! Ho lehlohonolo ya bolokang ditaba tsa boporofeta ba buka ena!