Isaia 6:2 - Sesotho 1909/1961 (SO)

² Dirafime di ne di eme hodimo ho yena; se seng le se seng se ne se na le mapheo a tsheletseng; ka a mabedi di ne di itshirela difahleho, ka a mabedi di ne di ikwahela maoto, ka a mabedi di ne di rura.

BIBELE

² Dirafime di ne di eme kahodimo ho yena, mme serafime ka seng se ne se ena le mapheo a tsheletseng: Ka a mabedi se ikgurumeditse sefahleho, ka a mabedi se ikwahetse maoto, ka a mabedi se fofa.

Isaia 6:2 Referencias Cruzadas

Genese 17:3

Yaba Abrame o wa ka sefahleho, mme Modimo wa nna wa bua le yena, wa re:

1 Marena 19:13

Elia ha a le utlwa, a ikgurumetsa sefahleho ka kobo ya hae; a tswela ntle, a ema monyako wa lehaha, a utlwa lentswe le mo tlela, le re: O etsang moo, Elia?

1 Marena 22:19

Mikea a re: Mamela polelo ya Jehova ke hona; Ke bone Jehova a dutse teroneng ya hae, le makgotla wohle a mahodimo a eme pela hae ka ho le letona le ho le letshehadi.

1 Marena 6:24

Lepheo le leng la kerubime, bolelele ba lona e ne e le ditswe tse hlano, bolelele ba lepheo le leng la kerubime e le ditswe tse hlano; ho kgutla pheletsong ya lepheo le leng, ho isa pheletsong ya le leng, e ne e le ditswe tse leshome.

1 Marena 6:27

A bea dikerubime hara ntlo, di otlolotse mapheo a tsona, lepheo la e nngwe le kgitla lebota, mme lepheo la kerubime e nngwe le kgitla lebota le leng; a mang mapheo a tsona a ne a amane mahareng a ntlo.

1 Marena 8:7

Hobane dikerubime di be di otlollela mapheo a tsona hodima sebaka sa areka, dikerubime di sireletsa areka le mejaro ya yona ka nqa kahodimo.

Nehemia 9:6

Ke wena Jehova o nnotshi; ke wena ya entseng mahodimo, mahodimo a mahodimo le makgotla wohle a wona, lefatshe le tsohle tse ho lona, mawatle le tsohle tse ho wona; ke wena ya phedisang ntho tseo tsohle; makgotla a mahodimo a ntse a kgumama pela hao.

Jobo 1:6

Ka tsatsi le leng, bara ba Modimo ba tla ho itlhahisa pela Jehova, mme Satane a kena hara bona.

Jobo 15:15

Bona, ha esitile bahalaledi ba wona o sa ba tshepe, le lehodimo le sa hlweka mahlong a wona;

Jobo 4:18

Bona, esita le bahlanka ba wona ha o ba tshepe; o bona kodi le ho mangeloi a wona;

Dipesaleme 103:20

Bokang Jehova, lona mangeloi a hae, bahale ba matla, ba phethang lentswe la hae, ba mamelang molomo wa hae!

Dipesaleme 104:4

O etsa meya manqosa a hae, malakabe a mollo ke bahlanka ba hae.

Dipesaleme 18:10

A kalla kerubime, a fofa, a haola ka mapheo a moya;

Dipesaleme 89:7

Modimo o tshabeha mokgatlong o moholo wa bahalaledi, o tshajwa ke bohle ba o teelang hare.

Eksoda 25:20

Dikerubime di ke di otlollele dipheo tsa tsona hodimo, di kgurumetse sekwahelo ka dipheo tsa tsona, mme di tadimane ka difahleho; difahleho tsa dikerubime di tadime nqa sekwahelong.

Eksoda 3:6

Yaba o re: Ke nna Modimo wa ntatao, Modimo wa Abrahama, Modimo wa Isaaka, Modimo wa Jakobo. Yaba Moshe o ipata sefahleho, kahobane o tshaba ho tadima Modimo.

Eksoda 37:9

Dikerubime di ne di otlollela dipheo tsa tsona hodimo, di kgurumeditse sekwahelo ka dipheo tsa tsona, difahleho di tadimane; mme difahleho tsa dikerubime di ne di tadimile nqa sekwahelong.

Isaia 6:6

Empa serafime se seng sa rurela ho nna, se tshwere leshala le hlenneng letsohong la sona, leo se le okgileng aletareng ka letlao.

Ezekiele 1:11

Ke tsona difahleho tsa tsona. Haele dipheo, di ne di arohane nqa hodimo; se seng le se seng se ne se na le dipheo tse pedi tse tshwaraneng, tse pedi tse ding di ne di apesa mmele ya tsona.

Ezekiele 1:24

Enereha di tsamaya, ke ne ke utlwa modumo wa dipheo tsa tsona eka modumo wa metsi a mangata, hape eka lentswe la Ya matla wohle, e le modumo wa tlatlarietso, o kang modumo o diahelong. Ereha di ema, di lepeletse dipheo tsa tsona.

Ezekiele 1:4

Eitse ha ke tadima, ka bona moya wa sefefo o tswang leboya, ho le leru le leholo le tswakaneng le mollo, le benyang ka nqa tsohle; bohareng ba lona ho le ntho e kang koporo e hlenneng, kahare ho mollo;

Ezekiele 1:6

Se seng le se seng se ne se na le difahleho tse nne, hape se seng le se seng se ne se na le dipheo tse nne.

Ezekiele 1:9

Dipheo tsa tsona di tshwarane; ho tsamayeng, di ne di sa tswedipane; di ntse di tsamaya di lokile feela.

Ezekiele 10:16

Enereha dikerubime di tsamaya, mabidi le wona a tsamaye maloka le tsona; ereha dikerubime di otlolla dipheo tsa tsona ho phahamela lefatshe, mabidi a ne a sa di kgelohe.

Ezekiele 10:21

E nngwe le e nngwe e ne e na le difahleho tse nne, e nngwe le e nngwe ya tsona hape e ne e na le dipheo tse nne; tlasa dipheo tsa tsona, ho ne ho hlaha ntho e kang matsoho a motho.

Daniele 7:10

Noka ya mollo e ne e tswa ho yena, e matha pela hae; o ne a sebeletswa ke dikete tsa dikete, dimillione tsa dimillione di ne di eme pela hae; baahlodi ba dula, mme dibuka tsa phetlwa.

Daniele 9:21

ha ke sa bolela ka thapelo, monna eo Gabriele, eo ke neng ke mmone pele ponong e nngwe, a phakisa a fofela ho nna, e le ka nako ya sehlabelo sa mantsiboya;

Sakaria 3:4

Yaba lengeloi le ahlamisa molomo, la bolella ba emeng pela lona, la re: Mo hlobodiseng diaparo tse ditshila. La re ho yena: Bona, ke lahlela bokgopo ba hao hole le wena, ke o apesa diaparo tsa bokgabane.

Luka 1:10

Bongata bohle ba setjhaba bo ne bo eme kantle, bo rapela nakong eo ho tjheswang dibano ka yona.

BaHebheru 1:7

Athe haele ka mangeloi, o itse: O etsa mangeloi a wona meya e fokang, le bahlanka ba wona malakabe a mollo.

Tshenolo 14:6

Hape, ka bona lengeloi le leng le fofang mahareng a lehodimo, le tshwere Evangeli ya kamehla le mehla ho e bolella ba ahileng lefatsheng, le ditjhaba tsohle, le mefuta yohle, le dipuo tsohle, le merabe yohle;

Tshenolo 4:8

Dipobuwa tse nne tseo tse phelang, se seng le se seng sa tsona se ne se medile dipheo tse tsheletseng, mme se ne se tletse mahlo ka nqa tsohle le kahare; mme di ne di sa phetse, motshehare le bosiu, ho re: O a halalela, o a halalela, o a halalela, Morena Modimo, Ya matla wohle, ya neng a le teng, ya ntseng a le teng, ya tla nne a be teng.

Tshenolo 7:11

Mme mangeloi kaofela a ne a eme a teetse terone, le baholo, le dibopuwa tse phelang tse nne hare; a ne a wa ka difahleho pela terone, a rapela Modimo,

Tshenolo 8:13

Jwale, ka bona, ka ba ka utlwa ntsu e nngwe e fofang sebakeng sa lehodimo, e re ka lentswe le phahamileng: Ho madimabe, ho madimabe, ho madimabe ba ahileng lefatsheng, ka baka la mantswe a sa setseng a diterompeta tsa mangeloi a mararo a sa tlang ho di letsa!