Isaia 11:3 - Sesotho 1909/1961 (SO)

³ O tla thabela ho tshaba Jehova, a ke se ke a ahlola ka tjhadimo ya mahlo, leha e le ho tswa ka ho utlwa taba ya ba re.

BIBELE

³ yena o tla thabela ho tshaba Morena. Ha a ka ke a ahlola ho ya ka tshobotsi, kapa a etsa qeto ho ya ka tsa bo-fuufu;

Isaia 11:3 Referencias Cruzadas

2 Samuele 14:17

Lekgabunyane la hao le itse: Lentswe la morena, monga ka, e be le tshedisang; hobane morena, monga ka, o jwaloka lengeloi la Modimo, ho lemoha botle le bobe. Jehova, Modimo wa hao, a ke a be le wena.

2 Samuele 14:8

Ebile morena o re ho mosadi: O ikele hae haeno; ke tla laela bakeng sa hao.

1 Marena 3:28

Baiseraele bohle, ha ba utlwa kahlolo eo morena a ahlotseng ka yona, ba tshaba morena, ba bona hobane kelello ya Modimo e ho yena, hore a tsebe ho ahlola.

1 Marena 3:9

O nee ke hona mohlanka wa hao pelo e kelello ya ho ahlolela setjhaba sa hao, ke tle ke tsebe ho kgetha botle le bobe. Hobane ke mang ya ka ahlolelang setjhaba sa hao se sekakale?

Jobo 12:11

Ha ke re, tsebe e ka nna ya kgetha dipolelo, jwaloka mahalapa ha a tseba ho kgetha dijo na?

Jobo 34:3

Hobane tsebe e leka ditaba, jwalokaha mahalapa a latswa dijo.

Diproverbia 2:5

ke moo o tla tseba ho tshaba Jehova, o fihlele tsebo ya Modimo;

Diproverbia 2:9

Jwale, o tla tseba ho loka le tshwanelo le bokgabane le mekgwa yohle e molemo.

Isaia 33:6

Kahoo, matsatsi a hao a tla tiya, monono o be teng wa poloko le bohlale le tsebo; ho tshaba Jehova e tla ba leruo la Juda.

Ezekiele 45:8

E tla ba yona naha ya hae, leruo la hae Iseraeleng; mme marena a setjhaba sa ka ha a sa tla tuba setjhaba sa ka, a mpa a tla nea ntlo ya Iseraele naha, ka ho ya ka meloko ya yona.

Mikea 4:3

Mme Jehova o tla ahlolela ditjhaba tse ngata, a kgalemele merabe e matla, ho isa hole. Ka disabole tsa bona ba tla tea mehoma, ka marumo a bona ba tee disekele; setjhaba se seng se ke ke sa hlola se tsohela setjhaba se seng ka lerumo, ha ba sa tla hlola ba ithuta ntwa.

Luka 2:52

Mme Jesu a nna a hola hlalefong, le boemong, le molemong, pela Modimo le batho.

Johanne 2:25

le kahobane a ne a sa tshwanele a ka bolellwa tsa motho ke e mong; hobane o ne a itsebela se leng teng ka ho motho.

Johanne 7:24

Se ahloleng ka ho bona feela, le mpe le ahlole ka kahlolo e lokileng.

BaHebheru 5:14

empa dijo tse tiileng ke tsa banna ba tiileng, e leng bao dikelello tsa bona di lemaletseng ho kgetha ho hotle le ho hobe, ke ho sebediswa hona.

1 Samuele 16:7

Jehova a re ho Samuele: O se ke wa tadima tshobotsi ya hae, leha e le bolelele ba seemo sa hae; nna ke mo lahlile; hobane Jehova ha a bone kamoo motho a bonang kateng; hobane motho o tadima tshobotsi, empa Jehova yena o tadima pelo.