Genese 10:6 - Sesotho 1909/1961 (SO)

⁶ Bara ba Kama ke Kushe, le Mitsraime, le Puthe, le Kanana.

BIBELE

⁶ Bana ke bara ba Kama: Kushe, le Miseraime, le Pute, le Kanana.

Genese 10:6 Referencias Cruzadas

Genese 10:5

Dihlekehleke tsa ditjhaba di ne di arohane ka mafatshe a tsona ke batho bao, mong le mong ka puo ya hae, ka mefuta ya bona, le ka ditjhaba tsa bona.

Genese 2:13

Lebitso la noka ya bobedi ke Gihone, e teetseng naha yohle ya Kushe hare.

Genese 5:32

Nowe a phela dilemo tse makgolo a mahlano, a ntoo tswala Sema, le Kama, le Jafeta.

Genese 9:18

Bara ba Nowe ba tswileng arekeng ke Sema, le Kama, le Jafeta. Kama ke ntata Kanana.

Genese 9:22

Kama, ntata Kanana, a bona bofeela ba ntatae, mme a ya bolella banababo ba babedi kantle.

1 Dikronike 4:40

Ba fihlela makgulo a nonneng, a molemo, naha ya teng e le sephara e letse, e dutse ka kgotso; ke Bakama ba neng ba ahile teng mehleng ya boholoholo.

Dipesaleme 105:23

Ebile moo Iseraele a fihlang Egepeta, mme Jakobo a ba mojaki naheng ya Kama.

Dipesaleme 105:27

ba etsa meeka hara bona, le mehlolo naheng ya Kama.

Dipesaleme 106:22

le mehlolo naheng ya Kama, le meeka Lewatleng le Lefubedu.

Dipesaleme 78:51

Wa otla matsibolo kaofela naheng ya Egepeta, sehlooho sa bonna ba bona ditenteng tsa Kama.

Isaia 11:11

Hape, mohlang oo, Morena o tla boela a otlolle letsoho la hae hape la bobedi ho lopolla masala a setjhaba sa hae a siilweng naheng ya Assiria, le Egepeta, le Pathrose, le Ethiopia, le Elame, le Shineare, le Hamathe, le dihlekehlekeng tsa lewatle.

Jeremia 46:9

Palamang dipere; makoloi, mathang ka ho kgema; bahale ba ke ba nehele, e leng Baethiopia le Baputhe ba tshwereng thebe, le Balude ba tshwereng seqha, ba fula ka sona.

Ezekiele 27:10

Makgotleng a hao, ho no ho ena le Bapersia, le Balude, le Baputhe, bao e neng e le bahlabani ba hao; ha eno ba ne ba fanyeha thebe le heleme; ke bona bao e neng e le bokgabane ba hao.

Ezekiele 38:5

ba ena le Bapersia, le Bakushe, le Baputhe, ba nang le dithebe le diheleme kaofela ha bona;