Eksoda 4:18 - Sesotho 1909/1961 (SO)

¹⁸ Yaba Moshe o a tsamaya, a boela ho Jethro mohwehadi wa hae, a re ho yena: Ako ntumelle, nke ke boele ho banabeso ba Egepeta, ke bone hore na ba sa ntse ba phedile na. Jethro a re ho Moshe: Tsamaya ka kgotso.

BIBELE

¹⁸ Moshe a tsamaya, a kgutlela ho Jethero, mohwe wa hae, a re ho yena: “Ke a o kopa: Ako ntumelle ke kgutlele ho bana beso ba Egepeta, ke yo bona hore na ba sa phela.” Yaba Jethero o re ho Moshe: “Tsamaya ka kgotso!”

Eksoda 4:18 Referencias Cruzadas

Genese 45:3

Yaba Josefa o re ho banababo: Ke nna Josefa; a ntate o sa phela na? Empa banababo ba sitwa ho mo araba, hobane ba ne ba sisimoloha ha ba mmona.

2 Marena 5:10

Elisha a mo romela lenqosa, a re: Eya o itlhatswe hasupa Jordane, mme nama ya hao e tla boela ho wena e ntjhafetse, o hlweke.

2 Marena 5:19

Elisha a re ho yena: Eya ka kgotso. A mo tlohela jwalo, a tsamaya sebakanyana.

Eksoda 2:21

Moshe a rata ho aha ha monna eo, mme a mo nyadisa Sefora, moradi wa hae.

Eksoda 3:1

Moshe a nna a alosa manku a Jethro mohwehadi wa hae, moprista wa Midiane; mme a isa mohlape kapele ho lefeella, a fihla thabeng ya Modimo, Horebe.

Luka 7:50

Jesu a mpa a re ho mosadi: Tumelo ya hao e o pholositse; eya ka kgotso.

Diketso 15:36

Eitse hobane ho fete matsatsi a se makae, Pauluse a re ho Barnabase: Ha re boeleng re etele baena ba rona metseng yohle eo re boletseng lentswe la Morena ho yona, re bone kamoo ba dutseng kateng.

Diketso 16:36

Molebedi wa teronko a bolella Pauluse taba eo, a re: Babusi ba rometse hore le leswe, le ikele; jwale, le ka tswa, la ikela ka kgotso.

1 Timothea 6:1

Bahlanka bohle ba jokong ba lekanye hoba beng ba bona ba loketswe ke hlompho yohle, lebitso la Modimo le thuto di tle di se ke tsa nyefolwa.

Baahlodi 18:6

Moprista a re: Eyang ka kgotso; leeto la lona leo le le nkileng le pela Jehova.

1 Samuele 1:17

Ebile moo Eli a arabang, a re: Ikele ka kgotso, mme Modimo wa Iseraele o o fe seo o se kopileng ho wona.