Eksoda 33:7 - Sesotho 1909/1961 (SO)

⁷ Moshe a nka tente, a itlhomela yona kantle ho diahelo, hole le diahelo; a e bitsa tente ya pokano; mang le mang ya batlang Jehova, o ne a tswela tenteng ya pokano e kantle ho diahelo.

BIBELE

⁷ Moshe o ne a ye a nke Tente, ebe o e hloma kathoko ho diahelo, hojana le tsona, mme a e bitse Tente ya Morena. Jwale bohle ba neng ba batla ho tseba thato ya Morena, ba ne ba ye ba ye Tenteng eo, e leng Tente ya Morena, e neng e le kathoko ho diahelo.

Eksoda 33:7 Referencias Cruzadas

2 Samuele 21:1

Mehleng ya Davida, tlala ya eba teng ka dilemo tse tharo tse hlahlamanang. Davida a botsa Jehova; mme Jehova a re: Ke ka baka la Saule le la ntlo ya hae e madi, kamoo a kileng a bolaya ba Gibeone kateng.

Dipesaleme 10:1

Jehova, o emelang kathoko, o ipatelang mehleng ya matswalo?

Dipesaleme 27:8

Pelo ya ka e nkgopotsa ha o itse: Batlang sefahleho sa ka! Le jwale, Jehova, ke batla sefahleho sa hao.

Dipesaleme 35:22

Le wena Jehova, o a bona! O se ke wa kgutsa! Morena, o se ke wa emela hole le nna!

Eksoda 18:12

Yaba Jethro, mohwehadi wa Moshe, o tlisetsa Modimo setjheso le mahlabelo, mme Aarone le baholo kaofela ba Iseraele ba tla ho tla ja bohobe le mohwehadi wa Moshe, pontsheng ya Modimo.

Eksoda 18:7

Yaba Moshe o ya kgahlanyetsa mowehadi wa hae, a inama, a mo aka, mme hoba ba botsane tsa ho phela ha bona, ba ntoo kena tenteng.

Eksoda 33:6

Ka mokgwa oo, bana ba Iseraele ba rola dikgabiso tsa bona ho tloha thabeng ya Horebe.

Eksoda 33:8

Enere ha Moshe a tswela tenteng, batho bohle ba ne ba raoha, ba eme e mong le e mong monyako wa tente ya hae; ba ise mahlo ho Moshe ho fihlela ha a kena tenteng.

Diproverbia 15:29

Jehova o hole le ba babe; empa o utlwa merapelo ya ba lokileng.

Isaia 59:2

empa ke ditlolo tsa lona tse entseng lerako le le arohantseng le Modimo wa lona, ke ka baka la dibe tsa lona sefahleho sa wona se siretseng ho lona, o be o sitwe ho le utlwa.

Hosea 9:12

Leha ba hodisa bana ba bona, ke tla ba amoha bona ba sa le batjha. E, ho madimabe bona, mohla ke ba furallang!

Deuteronoma 4:29

Teng, le tla batla Jehova, Modimo wa hao, mme o tla mo fumana, ha o ka mmatla ka pelo ya hao yohle le ka moya wa hao wohle.

BaHebheru 8:2

eo e leng mosebeletsi wa sehalalelo, le wa tabernakele ya sebele e hlomilweng ke Morena, e seng ke motho.