Eksoda 22:24 - Sesotho 1909/1961 (SO)

²⁴ bohale ba ka bo tla tuka, mme ke tla le bolaya ka lerumo, basadi ba lona e be bahlolohadi, le bana ba lona e be dikgutsana.

BIBELE

²⁴ Kgalefo ya ka e tla tuka, mme ke tla le bolaya ka sabole; basadi ba lona ba tla fetoha bahlolohadi, mme bana ba lona ba fetohe dikgutsana.

Eksoda 22:24 Referencias Cruzadas

Nehemia 5:7

Ka eletsana le pelo ya ka hore e ka kgona ke kgalemele baholo le mahosana. Ka re ho bona: E mong le e mong le adima banababo lona ka phahello. Yaba ke ba biletsa pitso e kgolo.

Jobo 31:23

Hobane teng, ditefetso tsa Modimo di ne di tla ntshosa, ke ne ke tla sitwa ho ema pela bophahamo ba wona.

Dipesaleme 109:2

Hobane molomo wa e mobe le molomo wa mothetsi e nkahlametse ho ntwantsha;

Dipesaleme 109:9

Bana ba hae e ke e be dikgutsana, mosadi wa hae e be mohlolohadi.

Dipesaleme 15:5

ha a adime tjhelete ya hae ka phahello, ha a amohele mpho ho tswa ya se nang molato. Ya etsang jwalo, a ke ke a sisinyeha le ka ho sa yeng kae.

Dipesaleme 69:24

O tshollele bohale ba hao hodima bona, mollo wa kgalefo ya hao o ba fihlele!

Dipesaleme 76:7

Wena, o a tshabeha. Ke mang ya ka emang pela hao, ha o qala ho halefa?

Dipesaleme 90:11

Matla a bohale ba hao le botshabeho ba kgalefo ya hao ke mang ya di elang hloko?

Jeremia 15:8

Basadi ba bahlolohadi ba bona ba bangata pela ka ka ho fetisa lehlabathe la lewatle; ke tlisitse mosenyi ya senyang motshehare ho ba lwantsha, ho lwantsha mma ba batjha; ke dihetse thothomelo le tlakaselo hodima bona ka sehloho.

Jeremia 18:21

Ka baka leo, o neele bana ba bona tlala, o ba telle lerumo; basadi ba bona ba hloke bana, e be bahlolohadi, banna ba bona ba bolawe ke lefu, le bahlankana ba bona ba hlajwe ke lerumo ntweng.

KOLI-YA-MALLA 5:3

Re entswe dikgutsana tse se nang ntata tsona, bomma rona ba jwaloka bahlolohadi.

Levitike 25:35

Ekare ha ngwaneno ya pela hao a fumaneha, mme letsoho la hae le fokola mosebetsing, o mo thole; o etse jwalo le ho motho wa setjhaba sesele, leha e le ho moeti, a tle a phele ha eno.

Levitike 25:36

O se ke wa mo ja ka katiso, o se ke wa rua ka yena; o tshabe Modimo wa hao, ngwaneno a tle a phele ha eno.

Nahume 1:6

Kgalefo ya hae e ka emelwa ke mang, mme ke mang ya ka tiyang ho tukeng ha bohale ba hae? Bohale ba hae bo tsoloha jwaloka mollo, mafika a heletswa ke yena.

Luka 6:38

fanang, mme le tla fuwa; le tla felwa sefubeng ka tekanyo e kgolo, e hlohlilweng, e katilweng, e tsholohang; hobane tekanyo eo le lekanyang ka yona, le tla lekanngwa ka yona le lona.

Deuteronoma 23:20

O ka adima moditjhaba ka ho batla phahello; o mpe o adime ngwaneno o sa batle phahello, hore Jehova, Modimo wa hao, a tle a o hlohonolofatse mesebetsing yohle ya matsoho a hao naheng eo o yang ho e rua.

Deuteronoma 23:21

Etlere ha o itlamile ka kano ho Jehova, Modimo wa hao, o se ke wa dieha ho e phetha; hobane Jehova, Modimo wa hao, o tla e botsa ho wena, mme sebe se tla ba teng ha o ka dieha.

BaHebheru 10:31

Ke ntho e tshabehang ho wela matsohong a Modimo o phelang.