Eksoda 19:24 - Sesotho 1909/1961 (SO)

²⁴ Yaba Jehova o re ho yena: Tsamaya, o theohe, le ntano nyoloha, wena le Aarone, empa baprista le setjhaba ba se ke ba phunyelletsa ho tla nyolohela ho Jehova, esere a tshoha a ba bolaya.

BIBELE

²⁴ Yaba Morena o re ho yena: “Tsamaya, o theohe, o nyolohe hape, o ena le Arone, mme baprista le setjhaba ba se ke ba phunyeletsa ho tla ho Morena, esere kgalefo ya hae ya ba tlokela.”

Eksoda 19:24 Referencias Cruzadas

1 Dikronike 13:9

Ba fihla jwalo seotlong sa Kidone; yaba Ussa o isa letsoho ho tshwara areka, kahobane dipholo di ne di tlola.

Eksoda 19:12

O tle o beele setjhaba moedi o teelang thaba hare, o re: Itemoheleng, le se ke la nyolohela thabeng, kapa la ama mosiko wa yona; motho e mong le e mong ya ka amang thaba, o tla bolaelwa ruri.

Eksoda 19:25

Yaba Moshe o theohela ho setjhaba, a se bolella.

Eksoda 24:1

Yaba Modimo o re ho Moshe: Nyolohela ho Jehova, le ena le Aarone, le Nadabe, le Abihu, le baholo ba mashome a supileng ba Iseraele, mme le kgumame le sa le hole.

Eksoda 24:9

Moshe le Aarone, le Nadabe, le Abihu, le baholo ba Iseraele ba mashome a supileng, ba nyoloha; ba bona Modimo wa Iseraele;

Levitike 10:3

Moshe a re ho Aarone: Ke seo Jehova a na beng a se boletse, a re: Ke tla halaletswa ka ba emang pela ka, mme ke tla hodiswa mahlong a setjhaba kaofela.

Mattheu 11:12

Ho tloha mehleng ya Johanne Mokolobetsi, ho fihlela jwale, mmuso wa mahodimo o kenwa ka matla, mme ba bohale ba o hapa.

Luka 13:24

Etsang ka matla ho kena ka monyako o patisaneng; hobane ke a le bolella, ba bangata ba tla rata ho kena, mme ba tla sitwa.

Luka 16:16

Molao le baporofeta di ile tsa tiya ho fihlela ho Johanne; mme haesale mohlang oo, mmuso wa Modimo o a bolelwa, mme e mong le e mong o o kena ka matla.

Johanne 1:17

Hobane molao o neilwe ka Moshe, mohau le nnete di hlahisitswe ka Jesu Kreste.

Baroma 4:15

hobane molao o hlahisa bohale; hobane moo molao o leng siyo, le ho tlola ho siyo.

Bagalata 3:19

Ha ho le jwalo, molao ke wa ho etsang? O beilwe ka baka la ditlolo, ho tle ho be ho fihle leloko leo dipallo di etseditsweng lona, mme o tiisitswe ke mangeloi ka letsoho la mmuelli.

Bagalata 3:22

Empa Lengolo le hlahletse batho bohle sebeng, hore pallo e tle e newe badumedi ka ho dumela ho Jesu Kreste.

BaHebheru 12:29

hobane Modimo wa rona ke mollo o timeletsang.

BaHebheru 4:16

Ka baka leo, a re atameleng ka tshepo terone ya mohau, hore re tle re bone mohau, mme re fumane lereko, re tle re thuswe nakong e loketseng.