Daniele 11:19 - Sesotho 1909/1961 (SO)

¹⁹ A ntoo lebisa mahlo a hae nqa diqhobosheaneng tsa naha ya hae, mme o tla thekesela, a we, a se ke a hlola a fumanwa.

BIBELE

¹⁹ Kgosi eo e tla kgutlela diqhobosheaneng tsa naha ya habo yona, empa e tla hlolwa, mme e timelle ruri.

Daniele 11:19 Referencias Cruzadas

Jobo 20:8

O tla feta jwaloka toro, mme a ke ke a hlola a fumanwa; a timele jwaloka pono ya bosiu.

Jobo 34:24

O thubakanya ba matla, o sa botse letho hodima bona, o bea ba bang ditulong tsa bona;

Dipesaleme 27:2

Ba bolotsana, bao e leng dira ho nna, le bahanyetsi ba ka, ha ba tswela ho nna ho ja nama ya ka, ba kgoptjwa, ba wa.

Dipesaleme 37:35

Ke bone e mobe a iphile matla, a phahamile jwaloka sefate se fupuhang naheng ya sona;

Dipesaleme 37:36

o fetile; jo! o se a le siyo; ka mmatla, a se ke a fumanwa.

Isaia 24:20

Lefatshe le thekesela jwaloka motho ya tahilweng, le tetema jwaloka lephephe, le imelwa ke sebe sa lona, le a wa, ha le sa tla hlola le tsoha.

Jeremia 46:6

Ya leng lebelo a se ke a baleha, le mohale a se ke a phonyoha; ka nqa leboya lebopong la noka ya Eufrate, ba thekesela, ba wela teng.

Ezekiele 26:21

Ke tla o etsa lefeela, mme ha o sa tla ba teng; o tla batlwa, mme ha o sa tla fumanwa le ka mohla o le mong: ho rialo Morena Jehova.

Daniele 11:7

Empa lehlomela la metso ya hae le tla hlaha tulong tsa hae; o tla tla ntweng, a kene diqhobosheaneng tsa morena wa Leboya, a etse ka tsona kamoo a ratang kateng, mme o tla hlola.