Baefese 4:25 - Sesotho 1909/1961 (SO)

²⁵ Ka baka leo, le ke le tele leshano, mme e mong le e mong a bolele nnete ho wa habo; hobane re ditho ba bang tsa ba bang.

BIBELE

²⁵ Ka baka leo, tlohelang leshano, motho ka mong a bue nnete le wa bo, hobane re ditho tsa mmele o le mong.

Baasraak Sotho NT

²⁵ Ka baka leo, lahlang leshano, le bue nnete e mong le e mong le wa habo; hobane re ditho tsa ba bang.

Contemporary Southern Sotho Bible 2024

²⁵ Ka baka leo, lahlang leshano, le bue nnete e mong le e mong le wa habo; hobane re ditho tsa ba bang.

Baefese 4:25 Referencias Cruzadas

1 Marena 13:18

Yaba eo o re: Le nna ke moporofeta jwaloka wena; lengeloi le mpoleletse taelo ya Jehova, la re: Mo kgutlise, a ye ha hao, a je bohobe, a nwe metsi. Athe o ne a mo thetsa.

Dipesaleme 119:29

O ntshesefise tsela ya leshano, o mphe ho tseba molao wa hao!

Dipesaleme 15:2

Ke ya phelang ka bokgabane, a etsa ho lokileng, a bolela nnete kamoo e leng pelong ya hae kateng.

Dipesaleme 52:3

O rata bobe haholo ho botle, le leshano haholo ho ditaba tse lokileng. (Sela.)

Eksoda 23:7

Balehela kahlolo e leshano, mme o se ke wa bolaya ya se nang molato le ya lokileng, hobane nke ke ka etsetsa e mobe jwaloka hoja a lokile.

Diproverbia 12:17

Motho ya lokileng o bolela nnete, o hlahisa yona; empa paki e leshano e bolela bohata.

Diproverbia 12:19

Molomo wa nnete o tla tiya ka ho sa feleng; empa leleme le bohata ke la motsotso o kang ha ke panya.

Diproverbia 12:22

Melomo e mano ke manyala ho Jehova; empa ba bolelang nnete ba mo kgahlisa.

Diproverbia 21:6

Ho ipokellela maruo ka leleme le mano, ke bosawana le maraba a lefu.

Diproverbia 24:28

O se ke wa ba paki feela ho lwantsha wa heno; o ka thetsa jwang ka melomo ya hao?

Diproverbia 6:17

Ke mahlo a boikgohomoso, ke leleme le mano, le matsoho a tshollang madi a se nang molato;

Diproverbia 8:7

Hobane leleme la ka le bolela nnete; bokgopo bo manyala molomong wa ka.

Isaia 63:8

Hobane o itse: Ke setjhaba sa ka, ke bana ba sa ikgantsheng; mme e bile Molopolli wa bona.

Isaia 9:15

E moholo le ya hlomphehang ke hlooho, moporofeta ya rutang leshano ke mohatla.

Hosea 4:2

Ho a hlapanngwa, ho a thetswa, ho a bolawa, ho a utsuwa, ho a fejwa, ho tsohelwa batho matla, mme madi a ntse a tshollwa hodima madi a mang.

Levitike 19:11

Le se ke la utswa, mme le se ke la thetsana ka mashano, leha e le ho phoma ba bang.

Sakaria 8:16

Empa tseo le tshwanetseng ho di etsa ke tsena: Bolelang nnete e mong le e mong ho wa habo; ahlolang ka nnete le ka kahlolo ya kgotso makgotleng a lona;

Sakaria 8:19

Ho itima dijo ha kgwedi ya bone, le ho itima dijo ha ya bohlano, le ho itima dijo ha ya bosupa, le ho itima dijo ha ya leshome, ho tla fetohela ntlo ya Juda thabo le nyakallo le mekete e metle; feela, ithateleng nnete le kgotso.

Johanne 8:44

Lona, le tswa ho ntata lona, e leng Diabolose, mme le rata ho phetha ditakatso tsa ntata lona. Yena ke mmolai haesale ho qaleng; ha a dule nneteng hobane ha ho nnete ho yena. Ha a bolela leshano, o ipuella tsa hae; hobane ke yena ya leshano, le ntate wa ya leshano.

Baroma 12:5

ka mokgwa o jwalo, rona re leng bangata, re mmele o le mong ho Kreste, mme bohle re ditho ba bang tsa ba bang.

1 Bakorinthe 10:17

Rona, bao re leng bangata, re mmele o le mong, kahoba bohobe bo le bong feela; hobane bohle re ja bohobe boo bo le bong.

2 Bakorinthe 7:14

Hobane, leha ke ne ke ithorise ka lona pela hae, ka hore ho itseng, ha ke a ka ka swaba ke hona; empa jwalokaha re ne re le bolelle nnete tabeng tsohle, le hona ho ithorisa ha rona ka lona pela Tite ho fumanwe e le nnete ka sebele.

Baefese 4:15

re mpe re etse nnete ka lerato, mme re hole nthong tsohle ho Kreste, eo e leng hlooho,

Baefese 4:22

e leng hore le hlobole, kamoo metsamao ya lona ya pele e neng e le kateng, motho wa kgale, ya bodiswang ke ditakatso tse thetsang;

Baefese 4:31

Tse bohloko tsohle, le bohale, le ho itshena, le komang, le ho seba, le lonya lohle, di falatswe ho lona.

Baefese 5:30

Hobane re ditho tsa mmele wa hae.

BaKolose 3:8

Empa jwale, lahlang le lona, ntho tseo kaofela, e leng bohale, le ho itshena, le lonya, le dinyefolo; mme polelo e dihlong e se ke ya tswa melomong ya lona.

BaKolose 3:9

Le se ke la thetsana ka mashano; le hlobole motho wa kgale le diketso tsa hae;

1 Timothea 1:10

le bafebi, le basotoma, le ba utswang batho, le mahata, le ba kwenehelang dikano tsa bona, leha e le hofe le hofe ho furallanang le thuto ya pholoho,

1 Timothea 4:2

ka ho ya ka boikaketsi ba baruti ba bohata, bao matswalo a bona a tjhesitsweng ka tshepe;

Tite 1:12

E mong wa habo bona, e bileng moporofeta wa bona, o itse: Bakreta ke mahata kamehla, ke diphoofolo tse mpe, ke dimpa tse botswa.

Tite 1:2

ba tle ba be le tshepo ya bophelo bo sa feleng, boo Modimo o sa thetseng o bo baletseng batho, lefatshe ha le ne le eso ho be teng,

BaHebheru 12:1

Jwale he, le rona ha re teetswe hare ke leru le lekalo la dipaki, a re ke re lahleng hohle ho re imelang, le sebe se tshwasang feela, mme re ke re mathe ka sebete peisong eo re e beetsweng,

Jakobo 1:21

Ka baka leo, lahlang ditshila tsohle le tsohle tsa lonya, mme le amohele ka bonolo lentswe le hlomilweng ka ho lona, le tsebang ho boloka meya ya lona.

1 Petrose 2:1

Jwale, le ke le lahle lonya lohle, le thetso yohle, le boiketsiso, le mohono, le diketselletso tshohle;

Tshenolo 21:8

Empa ha e le ba boi, le ba sa dumelang, le ba manyala, le babolai, le bafebi, le baloi, le ba rapelang medimo, le mahata kaofela, kabelo ya bona e ka letsheng le tukileng hampe la mollo le sebabole: hona ke lefu la bobedi.

Tshenolo 22:15

Empa kantle ho tla sala dintja, le baloi, le bafebi, le babolai, le ba rapelang medimo ya bohata, le bohle ba ratang leshano, le ba le etsang.

Baahlodi 16:11

A re ho yena: Ha nka tlangwa ka thata ka mehala e metjha e esong ho sebetse letho, nka fokola, ka ba jwaloka batho ba bang.