2 Samuele 21:22 - Sesotho 1909/1961 (SO)

²² Bao ba bane e be e le ba mofuta wa Barefaime ba Gathe; ba eshwa ka matsoho a Davida le ka matsoho a bahlanka ba hae.

BIBELE

²² Ba bane bana ba ne ba tswetswe ke seqhobane sa Gate, mme ba bolawa ke Davida le ke bahlanka ba hae.

2 Samuele 21:22 Referencias Cruzadas

2 Samuele 21:16

Yaba Jishbi-Benobe, wa mofuta wa Barefaime eo lerumo la hae le neng le na le boima ba dishekele tse makgolo a mararo tsa koporo, ya ikgahlotseng le ka sabole e ntjha, a re o bolaya Davida.

2 Samuele 21:21

A nyedisa Iseraele; Jonathane, mora Shimei ngwanabo Davida, a mpa a mmolaya.

1 Dikronike 20:8

Bao e ne e le ba mofuta wa Barefaime ba Gathe; ba eshwa ka matsoho a Davida le a bahlanka ba hae.

Dipesaleme 108:13

Ka Modimo re tla hlola, ke wona o tlang ho hatakela dira tsa rona ka maoto.

Dipesaleme 118:15

Mehoo ya dipina tsa hlolo le tsa topollo di duma ditenteng tsa ba lokileng, ba re: Letsoho le letona la Jehova le bonahaditse matla a lona;

Dipesaleme 60:12

Ka Modimo re tla hlola, ke wona o tla hatakela dira tsa rona.

Moeklesia 9:11

Ke lemohile, mme ke bone tlasa letsatsi hoba peisong ya lebelo ha a siye ba bang kamehla, ntwa hase ya diqhenqha kamehla, bohobe hase jwa ba bohlale kamehla, le leruo hase la ba kello kamehla, le ho ratwa hase ha batsebi kamehla, empa bohle ba hlahelwa ke nako le sebaka sa ntho tseo.

Jeremia 9:23

Ho itswe ke Jehova: Ya leng bohlale a se ke a ithorisa bohlaleng ba hae, ya matla a se ke a ithorisa matleng a hae, mofumi a se ke a ithorisa lefumong la hae.

Baroma 8:31

Ana re tla reng tabeng tseo na? Ha Modimo o eme le rona, ke mang ya ka hanang ho rona na?

Baroma 8:37

Tjhe! Empa nthong tseo tsohle, re hlola ka ho fetisisa ka ya re ratileng.

Joshua 14:12

Jwale, nnee thaba ena eo Jehova a e boletseng mohlang oo; hobane o utlwile le wena mohlang oo hobane teng ho na le Baanake, hape ho na le metse ya metonana e marako; ha ekaba Jehova a ka ntlatsa, nka ba leleka, jwalokaha Jehova a boletse.