2 Dikronike 2:3 - Sesotho 1909/1961 (SO)

³ Hape, Salomone a romela ho Hurame, morena wa Tire, a re: Nketsetse kamoo o etseditseng ntate Davida kateng, eo o kileng wa mo romela dikedare tsa ho ikgahela ntlo ya ho dula ho yona.

BIBELE

³ Solomone a romela molaetsa ho Hirame, kgosi ya Tire, a re: “Jwalokaha o ile wa sebetsa le Davida, ntate, wa mo romela difate tsa dikedare ho ikgahela ntlo, le nna ako sebetse le nna jwalo.

2 Dikronike 2:3 Referencias Cruzadas

2 Samuele 5:11

Le yena Hirame, morena wa Tire, a romela Davida manqosa, le difate tsa dikedare, le dibetli tsa difate, le dibetli tsa majwe; tsa hahela Davida ntlo.

1 Dikronike 14:1

Hirame, morena wa Tire, a romela manqosa ho Davida, le difate tsa dikedare, le dibetli tsa majwe, le dibetli tsa difate, ho mo hahela ntlo;

2 Dikronike 13:11

ka hosasa ho hong le ho hong le ka mantsiboya a mang le a mang, re tjhesetsa Jehova ditjheso le dibano tse monko o monate. Hape, re lokisa mahobe a pontsha tafoleng e hlwekileng, re hotetsa le kandelare ya kgauta le dilampi tsa yona ka shwalane e nngwe le e nngwe. Hobane re fela re boloka seo Jehova, Modimo wa rona, a itseng re se boloke; empa lona, le mo furaletse.

2 Dikronike 24:14

Eitse hobane ba qetelle, ba tlisetsa morena le Jehojada tjhelete tse setseng; ka tsona ha etswa mesebetsi ya ntlo ya Jehova, e leng mesebetsi ya tshebeletso le ya ho hlaba ditjheso, le mehope, le e meng mesebetsi ya kgauta le ya silefera. Mme ha nna ha hlajwa ditjheso ka tlung ya Jehova, ka tshiu tsohle tsa Jehojada.

2 Dikronike 4:19

Salomone a phetha mesebetsi yohle ya ntlo ya Modimo jwalo, le aletare ya kgauta, le ditafole tsa mahobe a pontsha,

2 Dikronike 8:13

ka tsatsi le leng le le leng a nna a hlabela ho yona tse laetsweng ke Moshe, tsa Disabatha, le tsa kgwedi tse thwasang, le tsa mekete e beilweng, hararo ka selemo, e leng mokete wa Mahobe a se nang ditomoso, le mokete wa Diveke, le mokete wa Metlotlwane.

Esdrase 6:3

Ka selemo sa ho qala sa ho busa ha Siruse, morena Siruse o laetse bakeng sa ntlo ya Modimo o Jerusalema hore ntlo eo e boele e tsoswe, e tle e be moo ho hlajwang mahlabelo, mme metheo ya yona e tsoswe e le e thata. Bolelele ba yona e be ditswe tse mashome a tsheletseng, bophara ba yona e be ditswe tse mashome a tsheletseng;

Nehemia 10:34

Ra laola ka lotho bakeng sa kabelo ya dipatsi, rona, le baprista, le Balevi, le ba bang ba setjhaba, hore, ka ho ya ka matlo a bontata rona, di tliswe tlung ya Modimo wa rona, ka dinako tse beilweng, ka dilemo tsohle, ho tla beswa aletareng ya Jehova, Modimo wa rona, kamoo ho ngodilweng kateng, molaong;

Eksoda 25:30

O tla bea mahobe a pontsha tafoleng a nne a be teng pela ka kamehla.

Eksoda 29:38

Tseo o tla di hlabela aletareng ke konyana tse pedi tse lemo se le seng, ka tsatsi le leng le le leng, kamehla yohle.

Eksoda 29:39

Konyana e nngwe o tla e hlaba hosasa, konyana ya bobedi o e hlabe mantsiboya;

Eksoda 29:41

Konyana ya bobedi o tla e hlaba mantsiboya; o e hlahise e na le nyehelo le tshelo, jwaloka ya hosasa, e tle e be monko o monate le sehlabelo se tjheseditsweng Jehova.

Eksoda 30:7

Aarone a tjhesetse ho yona ka hosasa ho hong le ho hong dibano tse monko o monate; a di tjhese ha a lokisa dilampi.

Levitike 23:2

Bolella bana ba Iseraele, o re ho bona: Mekete ya Jehova eo le tla e mema, e tla ba diphutheho tse halalelang. Ke ena mekete ya ka:

Levitike 9:17

A hlahisa nyehelo, a qotsa ho yona ka seatla, a e tjhesa aletareng kantle ho setjheso sa hosasa.

Numere 28:11

Qalong ya dikgwedi tsa lona, le tla hlahisetsa Jehova setjheso sa dipohwana tse pedi, le pheleu e le nngwe, le dikonyana tse tona tse supileng tse lemo se le seng, tse se nang sekodi;

Numere 28:9

Ka tsatsi la Sabatha, le tla hlaba konyana tse tona tse pedi tse lemo se le seng, tse se nang sekodi; le tla hlahisa nyehelo ya boshome ba bobedi ba efa ya lefi la phofo le dubilweng ka ole, le yona tshelo ya yona.