1 Samuele 4:3 - Sesotho 1909/1961 (SO)

³ Jwale, setjhaba ha se kgutletse diahelong, baholo ba Iseraele, ba re: Jehova o re hloletseng kajeno ka Bafilesta? Ha ho ke ho latwe Silo areka ya selekane sa Jehova, e tle hara rona, mme e re namolele matsohong a dira tsa rona.

BIBELE

³ Ha bahlabani ba se ba kgutletse diahelong, baholo ba Iseraele ba re: “Ebe ke ka baka lang ha Morena a entse hore re hlolwe ke Bafilesita kajeno? A re yeng Shilo, re yo lata areka ya selekane sa Morena, e le hore Morena a tle a be hara rona, a re lopolle matsohong a dira tsa rona.”

1 Samuele 4:3 Referencias Cruzadas

2 Samuele 15:25

Morena a ntoo re ho Tsadoke: Busetsa areka ya Modimo motseng; ha nka bona mohau ho Jehova, o tla nkgutlisa, a boele a mpontshe yona le tulo tsa yona.

1 Dikronike 17:1

Eitse Davida ha a se a kene tlung ya hae, Davida a re ho moporofeta Nathane: Bona hle, nna ke ahile tlung ya dikedare, athe areka ya selekane sa Modimo e dutse tlasa masela.

Dipesaleme 74:1

Oho Modimo, o re lahletseng kamehla? Bohale ba hao bo kubellelang mohlape oo o leng modisa wa wona?

Dipesaleme 74:11

O honyeletsang letsoho la hao, letsoho la hao le letona? Ako le ntshe fubeng sa hao, o ba timeletse!

Isaia 50:1

Ho thwe ke Jehova: Lengolo la mma lona la hlalo le kae leo ke mo kgutlisitseng ka lona? Kapa ke rekile ka lona ho mang wa bao ke namileng ho bona na? Bonang, ho rekilwe ka lona ka baka la dibe tsa lona, mma lona o hladilwe ka baka la ditlolo tsa lona.

Isaia 58:3

Ba re: Na re itimelang dijo, ha o sa re bone? Re hlokofaletsang meya ya rona, ha o sa hlokomele teng na? Bonang, ka letsatsi la lona la ho itima dijo le mathela mesebetsing ya lona, mme le hlorisa bohle ba le sebeletsang.

Isaia 59:1

Bonang, letsoho la Jehova ha le lekgutshwanyane hore le sitwe ho pholosa, le ditsebe tsa hae ha di a thibana, hore a sitwe ho utlwa;

Isaia 59:2

empa ke ditlolo tsa lona tse entseng lerako le le arohantseng le Modimo wa lona, ke ka baka la dibe tsa lona sefahleho sa wona se siretseng ho lona, o be o sitwe ho le utlwa.

Jeremia 3:16

Etlare ha le se le atile, le anafetse lefatsheng, mehleng eo, ho bolela Jehova, ha ba sa tla hlola ba bolela areka ya selekane sa Jehova; ha e sa tla hopolwa dipelong, ha ba sa tla e elellwa, ha ba sa tla e hlolohelwa, mme ha ho ka ke ha etswa e nngwe.

Jeremia 7:4

Le se ke la itshepela dipolelong tseo tsa lefeela tse reng: Tempele ya Jehova, tempele ya Jehova, tempele ya Jehova ke yona eo!

Numere 10:33

Ba tloha thabeng ya Jehova; ba tsamaya ka matsatsi a mararo; mme areka ya selekane sa Jehova ya ba etella pele sebaka sa matsatsi a mararo, e ba batlele moo ba tla phomola teng.

Numere 10:35

Ha areka e ne e tloha, Moshe o ne a re: Raoha, Jehova; dira tsa hao a di ke di qhalwe! mme ba o hloileng, a ba ke ba balehe pela sefahleho sa hao!

Numere 31:6

Moshe a romela banna bao ntweng, e le ba sekete ka leloko le leng le le leng, a romela le bona ntweng mora wa moprista Eleasare, Finease, a jere dintho tse kgethehileng le diterompeta tse mantswe a phepa.

Deuteronoma 29:24

bona le ditjhaba tsohle ba tla re: Na ke ka baka lang ha Jehova a entse lefatshe lena jwalo? Kgalefo ya bohale bona bo boholo hakalo e tswa kae na?

Deuteronoma 31:26

Nkang buka ena ya molao, mme le e bee haufi le areka ya selekane sa Jehova, Modimo wa lona, e tle e be paki ho wena hona teng.

2 Timothea 3:5

ba tla ba le sebopeho sa borapedi, empa e le ba latotseng matla a jona. Le ba jwalo o ba furalle.

BaHebheru 9:4

se neng se na le aletare ya dibano ya kgauta, le areka ya selekane e apesitsweng hohle ka kgauta, moo ho kenntsweng pitsa ya kgauta e tshetsweng manna, le thupa ya Aarone e thuntseng, le matlapa a selekane.

Joshua 4:7

le no re ho bona: Ke hobane metsi a Jordane a ne a kgaolwe pela areka ya selekane sa Jehova; mohla e tshelang Jordane, metsi a Jordane a kgaolwa; mme majwe ana ke kgopotso ya kamehlamehla ho bana ba Iseraele.

Joshua 6:6

Ebile Joshua, mora Nune, o bitsa baprista, a re ho bona: Jarang areka ya selekane, mme baprista ba supileng ba tshware diterompeta tse supileng tse tlerolang, ba eteletse areka ya Jehova pele.

Joshua 7:7

Joshua a ntoo re: Oho, Morena Jehova, o ne o tshedisetsang tjhaba sena Jordane, ho tla re neela matsohong a Baamore, hore ba re timetse? Hoja ra dumela ho itulela mose wane wa Jordane!

Joshua 7:8

Oho, Morena, ana ke tla reng haele moo Baiseraele ba balehile pela dira tsa bona?

1 Petrose 3:21

Se tshwantswang ke hoo ke kolobetso e re pholosang jwale — e seng e hlatswang ditshila tsa mmele, empa eo e leng ho itlama ha letswalo le letle pela Modimo — ka tsoho ya Jesu Kreste,

Yuda 1:5

Ke rata ho le hopotsa taba eo le seng le e tseba, ke hoba Morena, hobane a lwele setjhaba sa hae naheng ya Egepeta, hamorao o fedisitse ba sa kang ba dumela.

1 Samuele 1:24

Eitse hobane a qete ho mo kgwesa, ba ya le yena ka kgomo tse tharo, le efa e nngwe ya phofo, le lekuka la veine, mme a mo tlisa tlung ya Jehova, Silo, ngwana a sa le monyenyane.

1 Samuele 14:18

Saule a re ho Akia: Atametsa areka ya Modimo. Hobane areka ya Modimo e ne e le teng hara bana ba Iseraele mohlang oo.

1 Samuele 4:2

Bafilesta ba tla ka makgotla ho lwantsha Baiseraele; Baiseraele ba hlolwa ke Bafilesta, mme makgotleng a bona ha bolawa banna ba batlileng ho ba kete tse nne.