1 Samuele 4:18 - Sesotho 1909/1961 (SO)

¹⁸ A re a sa bolela areka ya Modimo, Eli a wa setulong ka seetse, pela kgoro, a robeha molala, a ba a shwa, etswe e ne e le motho ya tsofetseng, ya boima; o ba a ahlotse Iseraele ka dilemo tse mashome a mane.

BIBELE

¹⁸ Yare ha eo a bua ka areka ya Modimo, Eli a wa setulong sa hae ka sanketse, a wela kgorong ya motse, a robeha molala, a shwa, hobane e ne e le monnamoholo wa pesola. E ne e ile ya eba moahlodi wa Baiseraele ka dilemo tse mashome a mane.

1 Samuele 4:18 Referencias Cruzadas

Dipesaleme 26:8

Jehova, ke rata leaho la ntlo ya hao, le nqalo moo kganya ya hao e leng teng.

Dipesaleme 42:10

Masapo a ka a robeha, ha bao e leng dira ho nna ba ntlaka, ba ntse ba re ho nna ka matsatsi wohle: O kae na Modimo wa hao?

Dipesaleme 42:3

Meokgo ya ka ke sejo sa ka motshehare le bosiu, haesale ba ntse ba re ho nna: O kae na Modimo wa hao?

Dipesaleme 69:9

Hobane tjheseho ya ntlo ya hao e ntjele, mme dinyefolo tsa ba o nyefolang di nkwela hodimo.

Levitike 10:3

Moshe a re ho Aarone: Ke seo Jehova a na beng a se boletse, a re: Ke tla halaletswa ka ba emang pela ka, mme ke tla hodiswa mahlong a setjhaba kaofela.

Baahlodi 15:20

Mme a ahlolela Baiseraele ka dilemo tse mashome a mabedi, mehleng yaBafilesta.

1 Samuele 4:13

Ha a fihla, Eli o ba a dutse setulong pela tsela, a lebeletse; hobane pelo ya hae e be e thothomella areka ya Modimo. Monna eo a kena, a behela motse ditaba, mme motse wohle wa bokolla.

1 Samuele 4:17

Ya tlisitseng ditaba a araba, a re: Baiseraele ba balehile pela Bafilesta, le polao e bile kgolo hara setjhaba; le bara ba hao ba babedi, Hofni le Finease, ba shwele, le areka ya Modimo e bile e hapilwe.

1 Samuele 4:19

Haele ngwetsi ya hae, mosadi wa Finease, e ne e emere, e le makgatheng a ho beleha. Eitse ha a utlwa tse bolelwang tsa areka ya Modimo e hapilweng, le tsa ho shwa ha matsalae le ha monna wa hae, a inama, mme a itshihlolla, hobane o ne a hlahetswe ke bohloko ba pelehi.